(संकलन= किशोर रायसाकडा) आज संपूर्ण जग एकविसाव्या शतकाकडे वाटचाल करत आहे… दरवर्षीप्रमाणे आठ मार्च या दिवशी सर्वत्र जागतिक महिला दिन मोठ्या उत्साहाने साजरा केला जातो अनेक सामाजिक राजकीय संस्था महिलांना पुरस्कार देऊन सन्मानित करत असतात… खरंतर पुरस्कार देऊन सन्मानित करणं.. यापेक्षाही महत्त्वाचं समाजाचा स्त्रियांसाठी योग्य तो दृष्टिकोन असणे, स्त्रियांच्या आयुष्यात अनेक महत्त्वाचे पात्र/भूमिका स्री रंगवत असते मुलगी,आई, सून, बहीण, बायको राहिलस तर आजी ह्या अनेक भूमिका पार पाडत असताना वेगवेगळ्या चढउतारांना तिला सामोरे जावे लागते परंतु प्रत्येक भूमिकेत असताना वर्चस्व मात्र दुसरे कोणाचे तरी असते.. आता परिस्थिती थोडीफार बदलली असली तरीही भावनिक दृष्ट्या स्री अजूनही तेवढीच कमकुवत आहे… अजूनही मोकळेपणाने तिचे स्वतःचे मत मांडण्यासाठी खूप वैचारिक संघर्षातून जावे लागते, मी माझे स्पष्ट मत मांडले तर कुणाचे मन दुखेल का कुणी वाईट म्हणेल का असे अनेक प्रश्न मनात निर्माण होतात… जगातील कोणतीही स्री कोणत्याही समस्येचा सामना करू शकते परंतु तिची हार होते ती दुसऱ्या स्री समोरच… स्त्रियांमध्ये अनेक गुण असले तरी अवगुण देखिल आहेत आपल्याच भगिनीचा मच्छर करणे किंवा हेवा दावा करणे हा दुर्गुण जर संपला तर जगात स्रीला कोणत्याच आघाडीवर हरवता येणं शक्य होणार नाही… सासू सून, नणंद भाऊजाई, जावा जावा, दोन मैत्रिणी एवढेच काय दोन सख्ख्या बहिणी या सुद्धा या मच्छराच्या कचाट्यातून सुटलेल्या नाहीत एकमेकीला कमी दाखवण्याची संधी कोणीही सोडण्याची तयारी दाखवत नाही.. कदाचित या गोष्टीला अपवादही असतील परंतु वाचल्यानंतर माझ्या प्रत्येक भगिनीने आत्मचिंतन करावे हा अवगुण आपल्यामध्ये कुठेतरी दडलेला असेल.. मीही त्या गोष्टीला अपवाद नाही हे मलाही मान्य करावे लागेल नाहीतर माझ्या लिखाणाला काहीही महत्त्व राहणार नाही…. असो जागतिक महिला दिन 2024 यानिमित्ताने जर आपण थोडा जरी या अवगुणापासून दूर जाण्याचा प्रयत्न केला तर येणारा पुढचा महिला दिन खूप वेगळ्या पद्धतीने साजरा होऊ शकतो. प्रत्येक भगिनीने जर विचार केला “एकमेका सहाय्य करू अवघे धरू सुपंथ” बरेच प्रश्न मार्गी लागतील आणि पुरुषांना दोष देण्याची संधी आपल्याला मिळणार नाही कारण बऱ्याच आघाड्या आपण महिला स्वतंत्रपणे पार पाडू शकतो हे त्यांनाही मान्य करावे लागेल पुरुष जरी कमाईचे स्रोत असले तरी कुटुंब चालवण्याची आणि कुटुंब घडवण्याची जबाबदारी ही संपूर्णपणे स्री वरच असते.. (आपली एखादी भगिनी चांगले काम करत असेल,आपल्या कौतुकाची जर गरज असेल तर आवश्यक मोठ्या मनाने कौतुक करा)….आपल्या मुलांमध्ये अहंकार निर्माण करायचा की आत्मविश्वास ही सर्वस्वी जबाबदारी घरातल्या आईवरच असते आणि भावी पिढी घडवण्याचे भाग्य आपल्यासारख्या महिलांना लाभते…..
जास्त काही लिहिले गेले असेल तर मी प्रथम माझ्या वाचक भगिनींची माफी मागते परंतु सत्य लिहिण्याचा मोह मला आवरला जात नाही, वेळेचा अभाव असतो तरीही लिखाणाचा माझा छंद मी जोपासत असते…
सर्वच माझ्या वाचक भगिनींना जागतिक महिला दिनाच्या मनापासून हार्दिक शुभेच्छा चला तर मग बदल घडवण्यासाठी आपण आपल्यापासूनच सुरुवात करूया…
चुक भुल क्षमा असावी
आपलीच…. सौ ललिता ताई पाटील.
9922092896