मुंबई – देशात लोकसभा निवडणूक येत्या काही दिवसांवर असून लोकसभा निवडणुकी सोबतच विधानसभा निवडणुका लागण्याची शक्यता आहे. One Nation, One Election या मुद्यावर स्थापन केलेल्या कोविंद समितीला राजकीय पक्षांकडून आतापर्यंत ३५ निवेदने प्राप्त झाली आहेत तर या धोरणाला राज्याचे मुख्यमंत्री एकनाथ शिंदे यांनीही समर्थन दिलं आहे.त्यामुळं आगामी लोकसभा निवडणुका सोबत महाराष्ट्र व इतर राज्यातील काही विधानसभा निवडणुका एकत्र होण्याची शक्यता आहे.
पुढील सहा महिन्यांच्या कालावधीत महाराष्ट्र, हरियानासह अन्य राज्यांमध्ये विधानसभा निवडणुका होत आहेत.संसदेच्या विशेष अधिवेशनात ‘वन नेशन, वन इलेक्शन’ (One Nation, One Election) विधेयक मंजूर झाल्यास लोकसभा निवडणूक सोबत काही राज्यांची विधानसभा निवडणूक सोबत होण्याची शक्यता आहे.
‘एनडीए’ सरकारकडून ज्या महत्त्वपूर्ण सुधारणा घडवून आणण्याचा प्रयत्न केला जात आहे, त्यात एक देश-एक निवडणुकीचा समावेश आहे. वारंवार निवडणूक होणे अर्थव्यवस्थेसाठी चांगले नसल्याचे मुख्यमंत्री एकनाथ शिंदे यांनी पाठवलेल्या पत्रात म्हटलं आहे.