मोदी सरकारनं ‘विशेष अधिवेशन’ बोलवून नव्या संसद भवनात कालपासून कामकाजाला सुरुवात केली. या सोहळ्यासाठी सर्व खासदारांनी हजेरी लावली होती. यावेळी अजित पवार गटासोबत गेलेले राष्ट्रवादी काँग्रेसचे खासदार प्रफुल्ल पटेल यांनी राष्ट्रवादी काँग्रेस पक्षाचे अध्यक्ष शरद पवार यांच्यासोबत काढलेला एकत्रित फोटो ट्विट केला आणि दरम्यान हे फोटो सोशल मीडियावर प्रचंड व्हायरल झाले असून राजकीय वर्तुळात मोठी चर्चा होतं आहे.
प्रफुल्ल पेटल यांनी आपल्या ट्विटर हँडलवरून फोटो शेअर करीत म्हटले आहे की,नवीन संसद भवनातील हा अत्यंत उर्जेनं भरलेला दिवस आहे. राज्यसभा चेंबर विशेष आहे आणि हा क्षण आदरणीय शरद पवारासोबत शेअर केल्यानं तो आणखीनच खास बनतो. आणि आता, कॅफेटेरियामध्ये मित्रांसह काही स्नॅक्स आणि मैत्रिचा आस्वाद घेत आहे – खरोखरच लक्षात राहिल असा हा दिवस असल्याचं म्हटलं आहे.
खा. प्रफुल्ल पटेल हे शरद पवार यांचे अत्यंत विश्वासू नेते मानले जात असताना अजितदादा पवार यांनी शिंदे फडणवीस सरकार सोबत जाण्याचा निर्णय घेतला तेव्हा खा. प्रफुल्ल पटेल यांनी सुद्धा अजितदादा यांच्या गटात सामील होतं सर्वानाचं धक्का दिला होता मात्र काल संसदेच्या विशेष अधिवेशनात शरद पवार यांच्या सोबतचे फोटो शेअर केल्याने त्या फोटोची मोठी चर्चा होतं आहे.
पटेल यांनी दोन फोटो शेअर केले असून एका फोटोते ते शरद पवारांसोबत राज्यसभेच्या चेंबरमध्ये दिसत आहेत. तर दुसऱ्या एका फोटोत नव्या संसद भवनातील कॅफेटेरियात ते सगळ्यांसोबत गप्पा मारताना दिसत आहेत.
An electrifying day at the new Parliament House! The Rajya Sabha Chamber is a marvel, and sharing this moment with Hon’ble Sharad Pawar Saheb makes it even more special. And now, savoring some snacks and camaraderie with friends in the cafeteria – truly a day to remember! 🇮🇳… pic.twitter.com/Z1J105wHn9
— Praful Patel (@praful_patel) September 19, 2023
