जळगाव : जळगाव जिल्ह्यात माजी आमदारासह सात जणांविरुद्ध गुन्हा दाखल करण्यात आल्याने खळबळ उडाली आहे. बनावट कागदपत्राद्वारे भूखंडाची खरेदी व विक्री केल्याप्रकरणी माजी आमदार गुरुमुख जगवाणी यांच्यासह सात जणांविरुद्ध गुरुवारी रात्री जळगाव तालुका पोलीस ठाण्यात फसवणुकीचा गुन्हा दाखल करण्यात आला आहे.
फिर्यादी अशोक नामदेव राणे यांनी दिलेल्या फिर्यादीनुसार, आरोपी क्र.1) अजगर अजीज पटेल रा. भादली ता. जि. जळगाव गाव तथा बनावट सचिव जळगाव जिल्हा ग्राम सुधार समिती, कानळदा ता. जि. जळगाव यांनी दि. 13.03.2013 रोजी खोटी माहीती असलेला अर्ज 89992 क्र.05/2013 व त्यासोबत मा. धर्मदाय आयुक्त नाशिक यांचे कार्यालयात खोटे व बनावट दस्तऐवज दाखल करुन त्यांची दिशाभुल करुन दि. 13.06.2013 रोजी जमिन विक्री अनुषंगाने त्यांचे हिताचे आदेश पारीत करुन घेवुन संपुर्ण प्रक्रिया बनावट व खोटी असल्याचे माहीत असतांना सदर जमिन विक्री व्यवहारासाठी जळगाव पिपल्स को ऑफ बँक लि. गणेश कॉलनी शाखा, जळगाव येथे बनावट कागदपत्र दाखल करुन खाते क्रमांक 0060111000 0008 असे उघडून दि.19.07.2013 रोजी एकूण 48 पानांचा खरेदी खत क्रं.-4003/2013 अन्वये श्री. गुरुमुख मेहरुमुल जगवाणी यांना संस्थेची पिंप्राळा शिवारातील गट क्रं.- 338 / 1 क्षेत्र 66 आर, गट क्रं. – 339/ अ क्षेत्र 95 आर असे अंदाजे 5 ते 6 कोटी रकमेचे एकुण क्षेत्र 01 हेक्टर 69 आर हा भुखंड विक्री करुन संगनमताने व कट कारस्थान रचुन आरोपी क्र. 1 ते 7 यांनी संस्थेची फसवणुक केली आहे वगैरेप्रमाणे गुन्हा दाखल केला आहे.
हे पण वाचा :
लग्नाला घरच्यांचा विरोध.. प्रेमीयुगलाने गोव्यात जाणून लग्नाचा निर्णय घेतला, पण नंतर जे घडलं ते..
चोरट्यांचा धुमाकूळ ; चितोडा येथे दुकानाबाहेर लावलेले वाहन लांबविले, चोरटे CCTV मध्ये कैद
२५ वर्षीय नराधमाचा ५ वर्षाच्या चिमुरडीवर भयंकर पद्धतीने अत्याचार
यांच्यावर गुन्हा दाखल?
अजगर अजिज पटेल (रा.भादली बुद्रुक, ता.जळगाव), गुरुमुख मेरुमल जगवाणी, हरीष ए. मतवाणी, नीलेश विष्णू भंगाळे, विठ्ठल गलाजी सोळुंके, मीना विठ्ठल सोळुंके व एच.ए.लोकचंदाणी ( सर्व.रा.जळगाव) यांच्याविरुद्ध फसवणुकीचा गुन्हा दाखल झाला आहे. तपास पोलीस निरीक्षक रामकृष्ण कुंभार करीत आहेत.
