सोलापूर, (महेश गायकवाड)-पंढरपूर तालुक्यातील पुळूज येथील जवळपास पाच ते सहा जणांनी मिळून देवीच्या मंदिरात का गेला असे म्हणून कुऱ्हाडीने व कढीने आणि लाथा बुक्क्यांनी जबर मारहाण करून जखमी केल्यामुळे लक्ष्मण बसप्पा पुटगी हा टाकळी सिकंदर येथीलबौद्ध तरुण गंभीर जखमी झाला आहे या बाबत ची फिर्याद पंढरपूर तालुका पोलीस ठाण्यात दाखल करण्यात आली आहे.
परंतु पंढरपूर तालुका पोलीस ठाण्याच्या पोलीसांनी किरकोळ कलम लावून आरोपींना मोकळे सोडले आहे, त्यामुळे पोलीस अधीक्षक तेजस्वी सातपुते यांच्याकडे फिर्यादी ने तक्रार दाखल केली आहे. ही घटना दिनांक 26 सप्टेंबर 22 रोजी सकाळी 10 वाजण्याच्या सुमारास पुळूज येथील अंबिका देवी च्या मंदिरासमोर घडलीआहे. या प्रकरणातील सर्व आरोपींना तात्काळ अटक करण्यात यावी अशी मागणी भिमसैनिक सामाजिक संघटनेचे राष्ट्रीय अध्यक्ष शांतीकुमार नागटिळक यांनी केली आहे.
याबाबत सविस्तर माहिती अशी की, सिकंदर टाकळी येथील रहिवासी लक्ष्मण बसप्पा पुटगी, हे लहु रामचंद्र कांबळे, त्याचा भाचा अमोल उर्फ लाल्या अंकुशराव कांबळे, रामा कांबळे, पिंटू कांबळे व पिंटी कांबळे (सर्व राहणार पुळूज ता पंढरपूर) हे व इतर 15 जण असे सर्वजण मिळून दिनांक 25 सप्टेंबर 22 रोजी तुळजापूर येथे नवरात्र निमित्त देवीची ज्योत आणण्यासाठी गेले होते, ज्योत घेऊन हे सर्वजण दिनांक 26 सप्टेंबर 22 रोजी सकाळी 7 वाजता अंबिका मंदिर पुळूज येथे हे सर्वजण आले, यावेळी अमोल उर्फ लाल्या अंकुशराव कांबळे, लहु रामचंद्र कांबळे, या दोघांनी तसेच वरील नमुद लोकांनी मिळून आपणासोबत विनाकारण भांडण काढून डोक्यात कुऱ्हाडी ने मारले, लाथा बुक्यांनी मारून गंभीर जखमी केले, यामुळे माझ्या डोक्यात 22 टाके पडले उपचारासाठी सोलापूर येथील सिव्हिल हॉस्पिटलमध्ये दाखल करण्यात आले होते, मला वरील लोकांनी जीवे मारण्याच्या उद्देशाने मारून गंभीर जखमी केले आहे अशी फिर्याद पंढरपूर तालुका पोलीस ठाण्यात गुन्हा रजिस्टर क्रमांक 023 भांदं वि कलम 324, 323,504, व 34 प्रमाणे दाखल करण्यात आला असून यातील सर्व आरोपींना अद्याप अटक करण्यात आली नाही हे सर्व आरोपी सद्या मोकाट आहेत.
माझ्यावर जीव घेणा हल्ला झाला असतांना पोलीसांनी आरोपींना वाचविण्यासाठी 307 हे कलम न लावता किरकोळ जामीनपात्र कलम लावले आहेत त्यामुळे वरील सर्व आरोपींवर 307 प्रमाणे गुन्हे दाखल करण्यात यावे आणि सर्व आरोपींना अटक करण्यात यावी अशी तक्रार फिर्यादी ने पोलीस अधीक्षक तेजस्वी सातपुते यांच्याकडे केली आहे.
