जळगाव। जळगावात कामगारानेच काम करत असलेल्या ठिकाणच्या मालकालाच लाखोंचा चुना लागला आहे. शहरातील एमआयडीसी येथील विजय ॲग्रो सेंटर या कंपनी मालकाची कंपनीतीलच गोडावून किपर कामगाराने तब्बल ४४ लाख ७३ हजार ६२८ रुपयांत फसवणूक केल्याची घटना समोर आली आहे. याप्रकरणी एमआयडीसी पोलिस ठाण्यात गुन्हा दाखल झाला आहे.
जळगाव शहरातील पिंप्राळा परिसरातील निसर्ग कॉलनी येथील रहिवासी नितीन जगदीश कुलकर्णी वय ४२ यांची एमआयडीसी येथील ३२ एक्स सेक्टरमध्ये विजय ॲग्रो सेंटर नावाने कंपनी आहे. कंपनीतील गोडावून किपर पंकज नितीन पाटील रा. जगवानी नगर, जळगाव याने जून २०२१ ते २९ एप्रिल २०२२ दरम्यान कंपनीचे बनावट फॉर्म तयार करुन ४४ लाख, ७३ हजार, ६२८ रुपये किंमतीच्या विविध विद्राव्य खते, बियाणे तसेच किटकनाशके या मालाचा अपहार केला.
हे पण वाचा :
इंडिगो विमानाचा मोठा अपघात टळला, धक्कादायक व्हिडिओ समोर
प्रेमीयुगुलांसोबत असं काही घडतं की ऐकून तुम्हालाही बसेल धक्का
खाण मंत्रालयात 10वी उत्तीर्णांसाठी मोठी भरती
हिरो रात्री तीन वाजता मला…अभिनेत्री मल्लिका शेरावतचा आणखी एक गौप्यस्फोट
प्रकार समोर आल्यानंतर कंपनी मालक नितीन कुळकर्णी यांनी पंकज नितीन पाटील यांच्या विरोधात सोमवार, १ ऑगस्ट रोजी एमआयडीसी पोलिसात तक्रार दिली. त्यावरुन गुन्हा दाखल झाला आहे. पुढील तपास पोलीस उपनिरिक्षक रविंद्र गिरासे हे करीत आहेत.
