नवी दिल्ली : खाण्या-पिण्याच्या गोष्टी आणि टोमॅटो यांच्यानंतर आता अंघोळीसाठीचा साबण आणि कपडे धुण्याचा साबण देखील महाग झाला आहे. या संबंधित कंपन्यांनी आपल्या किंमतीत किती वाढ केली आहे, हे जाणून घ्या.
HUL ने त्यांच्या व्हील डिटर्जंट पावडरच्या 1 किलो पॅकची किंमत 3.4 टक्क्यांनी वाढवली आहे. याचा परिणाम म्हणून आता हा पॅक एकूण रुपयांनी महाग होणार आहे. कंपनीने व्हील पावडरच्या 500 ग्रॅम पॅकची किंमत 2 रुपयांनी वाढवून ती 28 रुपयांवरून 30 रुपयांपर्यंत वाढवली आहे.
HUL ने त्यांच्या उत्पादन Rin Bar च्या 250 ग्रॅम पॅकच्या किंमतीत 5.8 टक्क्यांनी वाढ केली आहे. लक्स साबणाच्या किमती 21.7 टक्क्यांनी वाढवण्यात आल्याचे अहवालात म्हटले आहे. आता त्याचा 100 ग्रॅमचा मल्टीपॅक 25 रुपयांनी महाग झाला आहे.
दुसरीकडे, ITC ने त्यांच्या 100 ग्रॅम पॅकसाठी Fiama साबणाच्या किमतीत 10 टक्के आणि Vivel 9 टक्क्यांनी वाढवल्या आहेत. कंपनीने एंगेज डिओडोरंटच्या 150 मिलीच्या बाटलीच्या किमतीत 7.6 टक्के आणि 120 मिलीच्या बाटलीच्या किमतीत 7.1 टक्क्यांनी वाढ केल्याचे या अहवालात म्हटले आहे.
ITC च्या प्रवक्त्याने CNBC TV18 ला सांगितले की “इनपुट कॉस्ट लक्षणीय वाढली आहे आणि उद्योगाने किमती वाढवल्या आहेत.” हे लक्षात घेऊन, कंपनीने निवडक वस्तूंच्या किमती सुधारित केल्या आहेत. हा निर्णय घेताना त्याचा संपूर्ण बोजा ग्राहकांवर पडणार नाही याची काळजी कंपनीने घेतल्याचे प्रवक्त्याने सांगितले.
