महाराष्ट्रातील विविध क्षेत्रात उल्लेखनीय कार्य करणाऱ्या १५१ जणांचा होणार गौरव….
जळगांव– अखिल भारतीय श्रीगुरूदेव सेवामंडळ कार्यालय गुरूकुंज आश्रम, मोझरी,जिल्हा अमरावती संलग्न, श्री गुरुदेव सेवामंडळ कोळंबा, ता. चोपडा जि. जळगांव या सामाजिक संस्थेच्या वतीने राष्ट्रीय पुरस्कार जाहीर झाले होते. या सर्व विविध क्षेत्रात काम करणाऱ्या पुरस्कार्थीना राष्ट्रीय सन्मान पुरस्कार देऊन गौरविण्यात येणार आहे. हा कार्यक्रम येत्या रविवार दिनांक- २ जून रोजी सकाळी १० वाजता मातोश्री बिंदूबाई सोनवणे समाज मंदिर, कांचन नगर जळगांव येथे आयोजित करण्यात आला आहे.
या राष्ट्रीय पुरस्कार सोहळ्याच्या अध्यक्षस्थानी श्री गुरुदेव सेवामंडळाचे जिल्हा जेष्ठ प्रचारक हरिचंद्र माधव बाविस्कर हे राहतील. तर उद्घाटक म्हणून माजी मंत्री आ. एकनाथराव खडसे, आ. रमेशदादा पाटील मुंबई , जळगांव शहराचे आ.राजूमामा भोळे, चंद्रकांतदादा सोनवणे, माजी विधानसभा अध्यक्ष अरूणभाई गुजराथी,विजयकुमार शहा हे उपस्थित राहणार आहेत.
यावेळी, जळगांव समाजकल्याण सभापती प्रभाकर गोटू सोनवणे, अकोला पोलिस उपनिरीक्षक विलासराव शंकरराव दुतैड, जेष्ठ समाजसेवक किरण पंढरीनाथ अनुष्ठाण, भ्रष्टाचार विरोधी समितीचे रमेश ओंकार विसपुते, बेटी बचाओ अभियानाचे अब्दुल सरदार पटेल हे प्रमुख अतिथी म्हणून उपस्थित राहतील.
