जळगाव,(प्रतिनिधी)- १ एप्रिलपासून जळगाव जिल्ह्यातील शाळांच्या वेळेत बदल करण्यात येणार आहे उष्माघात उपाययोजनेअंतर्गत जळगाव (प्राथमिक व माध्यमिक) शाळांची वेळ आता सकाळी ७ ते दुपारी १ या वेळेत राहणार असून तसे आदेश जिल्हाधिकारी अमन मित्तल यांनी सोमवारी जारी केले.
जिल्ह्यातील सर्व शासकीय व खासगी
राष्ट्रीय आपत्ती व्यवस्थापन प्राधिकरण व राज्य आपत्ती व्यवस्थापन प्राधिकरण यांनी उष्माघात उपाययोजनासाठी स्थानिक स्तरावर करावयाच्या नियोजनाविषयी सूचना दिलेल्या आहेत. त्यात जळगाव जिल्हा उष्माघात प्रवण असल्याने व ही बाब आपत्ती या सदरात येत असल्याने यापूर्वीच विविध उपाययोजना सुचविण्यात आलेल्या आहेत. त्यात आता शाळांच्या वेळेतही बदल करण्याचे निर्देश जिल्हाधिकाऱ्यांनी दिले.
त्यानुसार जिल्ह्यातील सर्व शासकीय व खासगी (प्राथमिक व माध्यमिक) शाळांच्या वेळेत १ एप्रिलपासून सकाळी ७ ते दुपारी १ असा बदल करण्यात आला आहे. तसेच उष्माघाताची तीव्रता लक्षात घेऊन संबंधितांनी तत्काळ कार्यवाही करावी, सदर आदेश सर्व शाळांना बंधनकारक आहेत, असे जिल्हाधिकाऱ्यांनी आपल्या आदेशात म्हटले आहे.
