चोपडा : दिव्यांग बाबतचे प्रमाणपत्र ४०% वर वाढवून देण्यासाठी १० हजाराची लाच घेताना दोघांना चोपडा उप जिल्हा रुग्णालयात रंगेहाथ अटक करण्यात आली. अनिल तुकाराम पाटील (वय-४६) रा. नागरदेवळा व विजय रूपचंद लढे, क्य-६७,व्यवसाय-व्यापार रा.नगरदेवळा असे लाचखोर यांचे नाव आहे.
याबाबत असे की, पारोळा तालुक्यातील कंकराज येथील रहिवासी असलेलले ४९ वर्षीय दिव्यांग तक्रारदाराला, दिव्यांग बाबतचे प्रमाणपत्र ४०% वर वाढवून देण्यासाठी दोघांनी १० हजाराची लाच मागितली होती. तक्रारदाराने या बाबत लाच लुचपत विभागकडे तक्रार नोंदवली होती. मंगळवारी दुपारी चोपडा उप जिल्हा रुग्णालयात अनिल तुकाराम पाटील याने तक्रारदाराला १० हजारांची लाच मागीतली. लाच स्वीकारल्यानंतर ती विजय रूपचंद लढे, यांच्याकडे सोपवली. लाच लुचपत विभागाच्या पथकाने दोघांना सापळा रचून अटक केली.
ही कारवाई लाच लुचपत प्रतिबंधक विभागाचे पोलीस उप अधीक्षक शशिकांत श्रीराम पाटील यांच्या मार्गदर्शनाखाली, पोलीस निरीक्षक संजोग बच्छाव, स.फौ.दिनेशसिंग पाटील, स.फौ.सुरेश पाटील,पो.हे.कॉ.अशोक अहीरे, पो.हे.कॉ.सुनिल पाटील, पो.हे.कॉ.रविंद्र घुगे, पो.हे.कॉ. शैला धनगर, पो.ना.मनोज जोशी,पो.ना.सुनिल शिरसाठ, पो.ना.जनार्धन चौधरी, पो.कॉ.प्रविण पाटील, पो.कॉ.महेश सोमवंशी, पो.कॉ.नासिर देशमुख, पो.कॉ.ईश्वर धनगर, पो.कॉ.प्रदिप पोळ यांच्या पथकाने केली आहे.
