मुंबई | बॉलिवूडमध्ये असे अनेक अभिनेते आहेत, ज्यांनी ४०शी ओलांडल्यानंतर लग्न केलं आणि नवा संसार थाटला. पण बॉलिवूडचा एक प्रसिद्ध अभिनेता तर लग्न न करता वयाच्या ५० व्या वर्षी दुसऱ्यांदा बाबा झाला आहे.
तो अभिनेता दुसरा तिसरा कोणी नसून अभिनेता अर्जुन रामपाल आहे. अर्जुन रामपाल आणि त्याची गर्लफ्रेंड गॅब्रिएला डेमेट्रिएड्स यांनी त्यांच्या दुसऱ्या मुलाचे स्वागत केले. अभिनेत्याने त्यांना मुलगा झाला असल्याचे सांगितले आहे. या दोघांना आधी एक मुलगा आहे. त्याचे नाव अरिक असून तो नुकताच चार वर्षांचा झाला आहे. अर्जुनला त्याची पहिली पत्नी मेहर जेसियासोबत दोन मुली आहेत.
अर्जुन याने सोशल मीडियाच्या माध्यमातून चाहत्यांसोबत आनंद शेअर केला आहे.अभिनेत्याच्या पोस्टवर चाहते लाईक्स आणि कमेंटचा वर्षाव करत आहेत. एवढंच नाही तर अनेकांनी अभिनेत्याला शुभेच्छा देखील दिल्या आहेत.
अर्जुन रामपाल इंस्टाग्राम पोस्ट
विनी-द-पूहसोबत ‘हॅलो वर्ल्ड’ छापलेल्या टॉवेलचा फोटो शेअर करत अर्जुनने लिहिले, “माझ्या कुटुंबाला आणि मला देवाच्या आशीर्वादाने आज एक सुंदर बाळ झाले आहे. आई आणि मुलगा दोघेही सुखरूप आहेत. डॉक्टर आणि नर्स यांच्या अमेझिंग टीमचे आभार. आमचा आनंद गगनात मावेनासा झाला आहे. तुम्ह सर्वांचे प्रेम आणि पाठिंब्यासाठी धन्यवाद. #helloworld #20.07.2023.”
