बोदवड : येथे श्रीराम फाउंडेशनमार्फत गुणवंत विद्यार्थी आणि मुख्याध्यापक यांचा सत्कार सोहळ्याचे दि.१६ रोजी आयोजन करण्यात आले आहे..
श्रीराम उद्योग समूहाचे सेवाभाव अंगिकारून श्रीराम फाउंडेशन या संस्थेच्या माध्यमातून प्रत्येक गुणवंत विद्यार्थी आणि त्यांच्या शाळेतील मुख्याध्यापक यांचा गुणगौरव सोहळा आयोजित करण्यात येत आहे. या कार्यक्रमाचे अध्यक्ष जि.प.शिक्षणाधिकारी बी.जे. पाटील हे राहणार असून वृक्ष पूजन बोदवड नगराध्यक्ष हाजी सै.बागवान व बोदवड सार्वजनिक को. ऑप. सोसा चेअरमन मिथुलाल अग्रवाल यांच्याहस्ते करण्यात येईल. प्रमुख पाहुणे म्हणून तहसीलदार आर.आर.जोगी, गट विकास अधिकारी डिगंबर लोखंडे, पोलीस निरीक्षक सुनील खरे, वनपरिक्षेत्र अधिकारी राजेंद्र राणे, गट शिक्षणाधिकारी श्री लहासे, साहित्यिक अ. फ. भालेराव, प्रसिद्ध उद्योजक रवींद्र लढ्ढा, हरीश मुंदडा, डॉ. उद्धव पाटील, सेवा निवृत्त मुख्याध्यापक श्रीरंग फिरके, रमेश सुरंगे, दर्जी क्लासेस चे संचालक गोपाल दर्जी, संस्थेचे अध्यक्ष श्रीराम पाटील उपस्थित राहणार आहे.गुणवंत विद्यार्थी पालक आणि शिक्षक बांधवांनी या सोहळ्यास उपस्थित राहण्याचे आवाहन जनसंपर्क अधिकारी दीपक नगरे यांनी केले आहे.
