पुणे : मान्सून संदर्भात एक मोठी अपडेट समोर आली आहे. येत्या 48 तासांत मान्सून बंगालच्या उपसागरात दाखल होण्याचा अंदाज भारतीय हवामान खात्याकडून वर्तवण्यात आला आहे. त्यामुळे आता लवकरच मान्सूनपूर्वी पाऊस (rain) होण्याची शक्यता वाढली आहे.
यंदा मान्सून चार दिवस अगोदरच दाखल होणार असून सध्या अंदमान आणि निकोबार बेटांजवळ मान्सूनची प्रगती होत आहे. आगामी ४८ तासांत मान्सून बंगालच्या उपसागरात दाखल होण्याचा अंदाज भारतीय हवामान खात्याने वर्तवला आहे. मान्सूनच्या आगमनापूर्वी राज्यातील अनेक ठिकाणी तापमानाचा पारा किंचित घसरला असल्याचा दिसून येतोय
शनिवारी वर्धा येथे सर्वाधिक ४६.५ अंश सेल्सियसची नोंद करण्यात आली होती, तर महाबळेश्वर येथे राज्यातील नीचांकी कमाल तापमान २९.७ अंश सेल्सियसची नोंद करण्यात आली. विदर्भात सरासरी तापमानापेक्षा ३.५ ने कमाल तापमानात वाढ झाली आहे.
हे पण वाचा :
खळबळजनक ; पोटच्या मुलीवरच बापकडून अत्याचार, पोलिसात गुन्हा दाखल
खरेदीची संधी… आठवडाभरात सोने 1000 रुपयाहून अधिकने झाले स्वस्त
8वी पास उमेदवारांसाठी बंपर भरती, येथे संपूर्ण माहिती जाणून घ्या
प्रमुख शहरांतील तापमान
वर्धा ४६.५, चंद्रपूर ४६.२, ब्रह्मपुरी ४५.४, नागपूर ४५.४, यवतमाळ ४५.०, अमरावती ४४.८, अकोला ४४.६, वाशिम ४३.५, गोंदिया ४३.८, परभणी ४३.४, जळगाव ४१.५, गडचिरोली ४१.४, औरंगाबाद ४१.२, बुलडाणा ४०.७,सोलापूर ४०.२ , उस्मानाबाद ३९.०, सातारा ३८.५, नाशिक ३६.४, सांगली ३५.४,कोल्हापूर ३३.५, रत्नागिरी ३३.४, मुंबई ३३.६, महाबळेश्वर २९.७.
