पाचोरा- दिनांक 2 जुलै 2021 रोजी गिरणाई शिक्षण संस्था अंतर्गत शिंदे इंटरनॅशनल स्कूल मध्ये नाविन्यपूर्ण कार्यक्रम डॉक्टर्स डे चे औचित्य साधून शाळेतील पालक डॉक्टर यांचा गौरव सत्कार समारंभ करण्यात आला.
जगातील सर्व डॉक्टर बांधवांनी covid-19 प्रादुर्भाव असतानाही आपल्या कुटुंबापासून दुर राहून रुग्णांची सेवा केली. या ऋणातून उतराई होण्यासाठी गिरणाई शिक्षण संस्थेचे अध्यक्ष श्री पंडितराव शिंदे यांनी पाचोरा भडगाव पंचक्रोशीतील सर्व डॉक्टर्स यांना शिंदे इंटरनॅशनल स्कूलमध्ये आमंत्रित करून त्यांनी केलेल्या कार्याबद्दल त्यांचा गुण गौरव व सत्कार करून त्यांचे मुक्तकंठाने कौतुक केले.
या कार्यक्रमाचे सूत्रसंचालन शिंदे इंटरनॅशनल स्कूलचे प्राचार्य डॉक्टर विजय पाटील यांनी केले. तसेच संस्थेचे अध्यक्ष श्री पंडितराव शिंदे, सचिव ॲडव्होकेट जे डी काटकर दादा, संस्थेचे जॉईंट सेक्रेटरी श्री शिवाजी शिंदे व श्री नीरज मुनोत यांनी डॉक्टरांच्या कार्याबद्दल आपल्या शब्दातून स्तुतीसुमने उधळून कौतुक केले व भविष्यातही या सर्व डॉक्टरांच्या हातून रुग्णांची अविरत व अखंडपणे सेवा घडो अशा शुभेच्छा दिल्या.
तसेच या कार्यक्रमात डॉक्टर भूषण मगर डॉक्टर प्रीती मगर यांनीही सर्व डॉक्टरांच्या वतीने आपले मनोगत व्यक्त केले.
