व्हाट्सअप, फेसबुक, इंस्टाग्रामचं सर्व्हर डाऊन झाल्यानं काही वेळापासून सेवा होती बंद

जगभरातील सर्वात मोठं सोशल मीडिया फ्लॅटफार्म असलेलं व्हाट्सअप, फेसबुक, इंस्टाग्रामचं सर्व्हर डाऊन झाल्यानं काही काळ सेवा बंद असल्याने नेटकऱ्यांमध्ये खळबळ उडाली.

एएफपीच्या अहवालानुसार, “फेसबुक, इन्स्टाग्राम आणि व्हॉट्सअप जवळजवळ ६ तास बंद झाल्यानंतर सुरु झाले आहे.सोशल मीडिया प्लॅटफॉर्म व्हॉट्सअप, फेसबुक आणि इन्स्टाग्रामने जगभरात अचानक काम करणे बंद केले. समस्या सोमवारी रात्री अचानक नऊ साडे नऊच्या सुमारास व्हाट्सअपचे मॅसेज येणे – जाणे अचानक बंद झाल्याने युजर्सचा चांगलाच गोंधळ उडाला असून बऱ्याच वेळ युजर्सनां कळलंच नाही की व्हाट्सअप का बंद पडलं. तीन सोशल मीडिया प्लॅटफॉर्मवर भारतासह जगभरातील कोट्यवधी वापरकर्ते आहेत. लोकांनी लगेच ट्विटरवर आपल्या प्रतिक्रिया देत व्हाट्सअपकडे अनेक तक्रारी देखील केल्या आहेत.

दरम्यान व्हाट्सअप ने आपल्या ऑफिशियल ट्विटर हॅण्डल वरून आपल्या युजर्सनां धीर देणारं ट्विट केलं असून व्हाट्सअप च्या वतीने सांगण्यात आले की,आम्हाला माहिती आहे की, काही लोकांना सध्या व्हॉट्सअपमध्ये समस्या येत आहेत. आम्ही गोष्टी पुन्हा सामान्य करण्यासाठी काम करत आहोत आणि शक्य तितक्या लवकर येथे अपडेट पाठवू.असं ट्विट करून लवकरच सरोवर मधील तांत्रिक अडचण दूर करण्याचं काम सुरु असल्याचं स्पष्टीकरण देण्यात आले होते.

We’re aware that some people are experiencing issues with WhatsApp at the moment. We’re working to get things back to normal and will send an update here as soon as possible.

Thanks for your patience!

— WhatsApp (@WhatsApp) October 4, 2021