जळगाव, (प्रतिनिधी)- महाराष्ट्राचे माजी मुख्यमंत्री तथा विरोधी पक्ष नेते देवेन्द्र फडणवीस यांनी दि. ०८ मार्च २०२२ रोजी विधानसभेत भाजप च्या माजी मंत्र्यांना खोट्या गुन्ह्यात कट कारस्थान रचून अडकविण्याचे पुरावे विधानसभेच्या अध्यक्षांना दिलेत. या पुराव्यातून विशेष सरकारी वकील प्रविण चव्हाण यांनी माजी मंत्री गिरीष महाजन, सुधीर मुनगंटीवार, जयकुमार रावल, सुभाष देशमुख, चंद्रशेखर बावनकुळे, चंद्रकांत पाटील यासह इतर भाजप नेत्यांना अडकविण्याचे प्लॉन केला होता असं पुराव्यानिशी विधानभवनात सांगितलं आहे त्यामुळे विशेष सरकारी वकील प्रविण चव्हाण यांची तातडीने सखोल चौकशी करून कारवाई करावी अश्या मागणीचे निवेदन रिपब्लिकन पार्टी ऑफ इंडीया (आठवले गट) महानगराध्यक्ष अनिल अडकमोल यांच्या नेतृत्वात जिल्हाधिकारी यांना आज दि.9 रोजी निवेदन दिले आहे.
निवेदनात म्हटले आहे की,सदर प्रकरणाचा तपास सीबीआय या यंत्रणेकडून याची चौकशी व्हावी, जेणेकरून सर्व सत्यता महाराष्ट्रातील जनतेसमोर येईल. विशेष सरकारी वकील हे शासनाचे वकील आहेत त्यांना शासनाच्या विविध योजनांचे लाभ घेत असतात व अश्या प्रकारचे कट कारस्थान त्यांचेतर्फे होणे म्हणजे जनसामान्यांवर फार मोठा अन्यायच आहे. अॅड. प्रविण चव्हाण यांनी १२५ तासांचे स्ट्रींग ऑपरेशन पोलीसांच्या सहकार्याने षडयंत्र रचले हे शासनाच्या नियुक्ती सरकारी वकीलाद्वारे करणे म्हणजे कायदेशिर कारवाईस पात्र असल्याचे स्वयंस्पष्ट होत आहे.
तरी विरोधी पक्ष नेते देवेन्द्र फडणवीस यांनी जे व्हिडीओ क्लीप विधानसभा अध्यक्षांना दिली आहे त्याबाबतीत सखोल चौकशी व्हावी आणि वरील षडयंत्रात कोण कोण सामील आहे याचा फर्दापाश होणे अत्यंत गरजेचे असुन ही लोकशाही तत्वाला घातक असल्याचं म्हणत आज रिपब्लिकन पार्टी ऑफ इंडीया (आठवले गट) जळगाव च्या वतीने जिल्हाधिकारी कार्यालयाबाहेर महानगराध्यक्ष अनिल अडकमोल यांच्या नेतृत्वाखाली लोकशाही मार्गाने निदर्शने करण्यात आले.यावेळी उपाध्यक्ष प्रताप बनसोडे,
मिलींद सोनवणे युवक अध्यक्ष, अनिल लोंढे,किरण अडकमोल, संदीप तायडे,भीमराव सोनवणे,शुभम सदावर्ते,आविनाश पारधे,शरीफ शेख मुकेश बाविस्कर, विशाल महाले आदी उपस्थिती होते.
