बुलडाणा : जालना येथून शेगाव येथे गजानन महाराजांच्या दर्शनासाठी निघालेल्या भाविकांवर काळाने घाला घातला आहे. बोलेरो कार आणि ट्रक यांचा भीषण अपघातात ५ भाविकांचा मृत्यू झाला आहे. ही घटना बुलडाणा (Buldana) जिल्ह्यातून जाणाऱ्या खामगाव – जालना महामार्गावर देऊळगाव राजा जवळ घडली.
देऊळगाव राजा जवळ भाविकांच्या बोलेरो गाडीला भीषण अपघात झाला. या अपघातात 5 जण ठार झाले, तर चार जण जखमी झाले आहेत. बुलडाणा जिल्ह्यातून जाणाऱ्या खामगाव – जालना महामार्गावर बोलेरो गाडी आणि ट्रकमध्ये भीषण धडक झाल्याने अपघात झाला.
या अपघातात पाच जण जागीच मृत्युमुखी पडले असून चार जण जखमी झाले आहेत. मृतांमध्ये बोलेरो चालक, एक महिला आणि तीन पुरुषांचा समावेश आहे.
हे पण वाचा :
‘महाविकास आघाडीत सहभागी व्हायचं नव्हतं, मात्र…’, पटोलेंचं मोठं विधान
‘…तर जळगाव शहराचा सत्यानाश झाला नसता’ ; गुलाबरावांची गिरीश महाजनांवर टीका
सोने झाले स्वस्त, चांदीही घसरली, जाणून घ्या आठवडाभरातील सराफा बाजाराची स्थिती
शेगावला जाताना अपघात
अपघातग्रस्त बोलेरो गाडी भाविकांना घेऊन जालना येथून शेगाव येथे गजानन महाराज दर्शनासाठी निघाली असल्याची माहिती आहे. जखमींवर देऊळगाव राजा तसेच जालना येथील शासकीय रुग्णालयात उपचार सुरु आहेत. ही घटना आज सकाळी साडे पाच वाजताच्या सुमारास घडली होती.
