सायलेंट किलर हार्ट अटॅक रोज कुणाला तरी आपला बळी बनवत आहे. यासंदर्भातील अनेक धडकी भरवणारे व्हिडिओ इंटरनेटवर समोर आले आहेत. अशातच दमण दीवमधील हॉटेलच्या बाहेरूनही असाच धक्कादायक व्हिडिओ समोर आला आहे. येथे दमण हॉटेल परिसरात स्कूटीवर बसलेला एक व्यक्ती आपल्या वडिलांशी बोलत असताना स्कूटीवरून खाली पडून त्याचा मृत्यू झाला.
एक व्यक्ती दुचाकीवर बसून आपल्या वडिलांसोबत गप्पा मारत होता. तेव्हा बोलता-बोलता तो अचानक दुचाकीसह जमिनीवर कोसळला. वडिलांनी त्याला तातडीने उपचारासाठी रुग्णालयात दाखल केलं. मात्र, त्यापूर्वीच या व्यक्तीचा मृत्यू झाला होता.
गेल्या काही महिन्यांपासून संपूर्ण देशात अचानक हृदयविकाराच्या झटक्याने मृत्यूच्या घटना समोर येत आहेत.
केंद्रशासित प्रदेश दमणमध्येही अशीच एक घटना घडली आहे.#Gujarat #HeartAttack #ViralVideo pic.twitter.com/MAxp67aQm8
— Satish Daud Patil (@Satish_Daud) March 24, 2023
या थरारक घटनेचा व्हिडीओ (Viral Video) देखील समोर आला आहे. व्हिडीओ पाहून अनेकांना धडकी भरली आहे. दीपक भंडारी (वय ५२ वर्ष) असं मृत्युमुखी पडलेल्या व्यक्तीचे नाव आहे. दीपक यांच्या अचानक निघून जाण्याने भंडारी कुटुंबीयांवर दु:खाचा डोंगर कोसळला आहे.
