मुंबई: भारतरत्न लता मंगेशकर यांच्या अंत्यसंस्कारावेळी शाहरुख खानने दुवा पढली. त्यावरून वाद पेटला आहे. यावेळी शाहरुख खान दुवा पठाना नंतर थुंकल्याचं सांगत काही नेटकऱ्यांनी शाहरुखवर हल्ला चढवीत चांगलेच ट्रोल केलं आहे,मात्र या ट्रोलचा शिवसेना नेते खा. संजय राऊत, वंचित बहुजन आघाडीचे नेते बाळासाहेब प्रकाश आंबेडकर यांनी तीव्र निषेध केला आहे.
काय आहे नेमका वाद…
जेष्ठ गायिका लता मंगेशकर यांच्या पार्थिवार काल सायंकाळी मुंबई येथील शिवाजी पार्क येथे अंत्यसंस्कार करण्यात आले. त्यापूर्वी सर्वच स्तरातील राजकीय नेते मंडळी, सेलिब्रिटींनी यांनी लतादीदींना पुष्प अर्पण करून श्रद्धांजली वाहिली आहे, दरम्यान श्रद्धांजली वाहण्यासाठी अभिनेता शाहरुख खान उपस्थित होते. लता मंगेशकर यांना श्रद्धांजली अर्पण केली. यावेळी शाहरुख खानने इस्लामिक परंपरेनुसार दुवा मागण्यासाठी दोन्ही हात वर केले. त्यानंतर लतादीदींच्या पायांना स्पर्श अभिवादन केलं. त्यानंतर दुवा पठण केल्यानंतर मास्क काढून परंपरेनुसार फुंकर मारली. मात्र, शाहरुख खान थुंकल्याचे मॅसेज सर्वत्र व्हायरल झाले. शाहरुखला ट्रोल केलं गेलं.
काय म्हणाले संजय राऊत…
शाहरुखला ट्रोल केलं जात असल्याने शिवसेना नेते संजय राऊत प्रचंड संतापले आहेत. शाहरुख खान दुवा मागत होता. त्याला ट्रोल केलं जातंय. हा काय प्रकार आहे. हा निव्वळ नालायक आणि बेशरमपणा आहे.
