जळगाव | आज राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस जळगाव दौर्यावर आहेत. त्यांच्या उपस्थितीमध्ये जळगावातील पोलीस कवायत मैदानावर शासन आपल्या दारी उपक्रमाच्या अंतर्गत लाभार्थ्यांना लाभ वाटप कार्यक्रमाचे आयोजन करण्यात आले आहे. मात्र मुख्यमंत्री आणि उपमुख्यमंत्री यांच्या दौऱ्याआधीच राष्ट्रवादीच्या नेत्या रोहिणी खडसे यांना आज तालुका पोलीसांनी ताब्यात घेतले आहे.
हे पण वाचा..
खडसे अन् गुलाबराव पाटलांमध्ये झाला समझोता ; अखेर ‘तो’ खटला घेतला मागे
धक्कादायक! पोलीस कर्मचाऱ्याने रागात विजेच्या डीपीत हात घातला अन्… घटना CCTV कैद
धक्कादायक! पाचोऱ्यात प्रेमीयुगुलाची गळफास घेऊन आत्महत्या
आमदार एकनाथराव खडसे आणि त्यांच्या सहकार्यांनी मुख्यमंत्र्यांना काळे झेंडे दाखविण्यात येणार असल्याचा इशारा दिला होता. यानंतर काल जिल्हा प्रशासन आणि राष्ट्रवादीच्या नेत्यांची बैठक झाली. यात बहुतांश मागण्या करण्यात आल्या असल्या तरी कपाशीच्या भावावर मुख्यमंत्र्यांनी भूमिका स्पष्ट न केल्यामुळे अडसर कायम राहिला असून खडसे हे आंदोलनावर ठाम आहेत.
दरम्यान, आज मुख्यमंत्री जळगावात दाखल होण्याआधी दुपारी बारा वाजेच्या सुमारास रोहिणी खडसे या आपल्या सहकारी पदाधिकार्यांसोबत पक्षाच्या जिल्हा कार्यालयात बसलेल्या असतांना त्यांना तालुका पोलिसांनी ताब्यात घेतले. आमचे मुक्ताईनगरचे प्रतिनिधी पंकज कपले यांनी त्यांच्याशी संपर्क साधला असता त्यांनी या वृत्ताला दुजोरा देतांनाच शासन दडपशाही करत असून याचा निषेध केला.
