यवतमाळ, (प्रतिनिधी) – दिल्ली येथे सुरू असलेल्या देशव्यापी शेतकरी आंदोलनामागे चीन, पाकिस्तानाचा हात असल्याचा दावा केंद्रीय मंत्री आणि भाजप नेते रावसाहेब दानवे यांनी केला होता. या वादग्रस्त विधानामुळे दानवेंवर टीकेची झोड उठली आहे. अशातच यवतमाळ येथील आंदोलनाप्रसंगी बोलतांना शिवसेना नेते,विधानसभा मतदारसंघ संपर्क प्रमुख संतोष ढवळे यांनी रावसाहेब दानवे यांची जीभ कापणाऱ्याला दहा लाखाचं बक्षीस जाहीर केलं आहे.
रावसाहेब दानवे यांची जीभ जो कोणी कापेल, त्याला आपण लगेच हे 12 लाखांचे वाहन भेट देऊ, त्या क्षणापासून आपण पायी फिरू, वाहन वापरणार नाही, एवढेच नव्हे तर त्याला आणखी दहा लाख रुपयांचे रोख बक्षीस दिले जाईल. शिवाय त्याची रक्ततुलाही केली जाईल, असंही संतोष ढवळे म्हणाले
दरम्यान शिवसेनेच्या नेत्यानं दानवेंवर टीका करतांना जाहीर केलेल्या बक्षिसाचं राजकीय वर्तुळात दिवसभर चर्चा रंगली तर भाजपा नेते अतुल भातखळकर यांनी ट्विट करुन म्हटलं की
यवतमाळच्या शिवसेना नेत्याने दिलेली ही गंभीर धमकी महाराष्ट्राचे गृहमंत्री ऐकत असावेत अशी आशा करूया…
हे सत्ताधारी आहेत की गुंडांची फौज?असा जाब विचारला आहे.
