मुंबई : राज्यातील एसटी कर्मचाऱ्यांच्या रखडलेल्या पगाराबाबत एक मोठी बातमी समोर आलीय. एसटी कर्मचाऱ्यांच्या पगारासाठी सरकारकडून 350 कोटी रुपये देण्यात आले असून त्यामुळे रखडलेला पगार 24 तासात होण्याची शक्यता आहे.
एसटी आंदोलनावेळी दर महिन्याला 7 ते 10 तारखेमध्ये पगार करण्याचे आश्वासन सरकारने कोर्टात दिले होते. मात्र मागील काही दिवसात सरकारकडून पगारासाठी देखील अपुरा निधी दिला जात असल्याचं दिसून येत आहे. अशात आता पगाराचे भविष्यच विवरणावर अवलंबून असल्यानं कर्मचारी पुन्हा आक्रमक होण्याची शक्यता आहे.
हे पण वाचा..
अदानीला आणखी एक झटका! आता या रेटिंग एजन्सीने उचलले ‘हे’ पाऊल..
सोने खरेदी करणाऱ्यांसाठी सुवर्णसंधी! सोने 2000 रुपयांनी स्वस्त, काय आहे आताचा दर?
VIDEO मुंबईत द बर्निंग ट्रेनचा थरार! धूर निघू लागताच अन्…
दरम्यान, एसटीच्या रखडलेल्या पगारासाठी मुख्य सचिव मनुकुमार श्रीवास्तव यांच्याकडे दुपारी चार वाजता मंत्रालयात बैठक होणार आहे. बैठकीमध्ये एसटी महामंडळाकडून मागील सहा महिन्यांचा बॅकलॉग भरण्यासाठी एक हजार कोटी रुपयांची मागणी करण्यात आली होती. याबाबत या बैठकीत चर्चा होणार असल्याची माहिती सूत्रांनी दिली आहे. बैठकीला परिवहन विभागाच्या आयुक्त एसटी महामंडळाचे व्यवस्थापकीय संचालक आणि सर्व वरिष्ठ अधिकारी उपस्थित राहणार आहेत.
