जागतिक(WHO) आरोग्य संघटनेकडे उत्तर कोरियाने दावा केला असून आमच्या देशात अद्यापही कोरोना महामारीचा शिरकाव आम्ही होऊ दिला नसल्याचा दावा केल्याचे वृत्त समोर आले आहे.
संपूर्ण जगभरात एक वर्षभरापूर्वी कोरोना या महामारीचा प्रादुर्भाव सुरू झाला, पण अद्यापपर्यंत उत्तर कोरिया या देशात एकही कोरोनाबाधित आढळून आलेला नसल्याने ही आमच्यासाठी अभिमानाची बाब असल्याचे उत्तर कोरियाने जागतिक आरोग्य संघटनेला कळवले आहे.
उत्तर कोरियाने कोरोनाचा अटकावं कसा केला..
उत्तर कोरियाने कोरोना सारख्या गंभीर महामारीवर कसे नियंत्रण मिळवले आहे याचा तपशील देताना स्पष्ट केलं आहे की, आमच्या देशाची ‘सीमा’ आम्ही पुर्ण बंद केली आहे. त्याचबरोबर आमच्या देशातील विदेशी पर्यटक आणि दूतावासातील कर्मचाऱ्यांना त्यांच्या देशात घालवून दिले आहे. कोरोनाची लागण झाल्याचा ज्यांना संशय जरी आला तरी त्या हजारो लोकांना आम्ही विजनवासात पाठवले आहे.
चीनला लागूनच या देशाची सीमा आहे आणि उत्तर कोरियात आरोग्य यंत्रणा यथातथच आहे. या पार्श्‍वभूमीवर उत्तर कोरियाचा हा दावा संशयास्पद असल्याचे काहींचे म्हणणे आहे. उत्तर कोरियात आत्तापर्यंत 23 हजार 121 रूग्णांची कोरोना संशयावरून चाचणी घेण्यात आली पण ती निगेटीव्ह आल्याचे सांगण्यात आले आहे, असे जागतिक आरोग्य संघटनेच्या उत्तर कोरियातील प्रतिनिधीने सांगितले आहे.
