जळगाव लाईव्ह न्यूज । ६ ऑगस्ट २०२३ । अभिनेत्री इलियाना डिक्रुझ हिने गोंडस मुलाला जन्म दिला आहे. 1 ऑगस्ट रोजी तिने मुलाला जन्म दिला आहे. अभिनेत्रीने ही आनंदाची बातमी तिच्या चाहत्यांसाठी इंस्टाग्रामवर शेअर केली आहे. अभिनेत्रीने लेकाचा पहिल्या फोटो पोस्ट करत त्याचे नावही सांगितले आहे.
अभिनेत्रीने तिच्या मुलाचे नाव कोआ फिनिक्स डोलन ठेवले आहे. इलियानाने तिचा मुलगा कोआ फिनिक्स डोलनच्या फोटोसोबत एक सुंदर कॅप्शनही लिहिले आहे. अभिनेत्रीने लिहिले- ‘आमच्या लाडक्या मुलाचे या जगात स्वागत करताना किती आनंद होत आहे याचे वर्णन शब्दात करता येणार नाही. इलियानाच्या या पोस्टवर सेलिब्रिटींपासून चाहत्यांपर्यंत तिचे अभिनंदन होत आहे.
इलियानाने अद्याप तिच्या मुलाच्या वडिलांचे नाव उघड केलेले नाही. मात्र, काही दिवसांपासून अभिनेत्रीने तिच्या जोडीदाराचा चेहरा तिच्या चाहत्यांना अनेकदा दाखवला. अभिनेत्रीने तिच्या इंस्टाग्राम स्टोरीवर तिच्या पार्टनरसोबत डेट नाईटचे काही फोटो शेअर केले आहेत. इलियानाचा पार्टनर कोण आहे आणि ते काय करतात याबद्दल अभिनेत्रीने कोणताही खुलासा केलेला नाही.
