नवी दिल्ली – केंद्रीय गृहमंत्री अमित शहा यांनी आज, बुधवारी राज्यसभेत नागरिकत्व दुरुस्ती विधेयक मांडलं. या विधेयकाबाबत चुकीची माहिती पसरवली जात आहे. हे विधेयक मुस्लिमांच्या विरोधात आहे असं सांगितलं जात आहे. पण या देशातील मुस्लिमांना चिंता करण्याची काहीही गरज नाही. ते नागरिक आहेत, होते आणि राहतील, अशी ग्वाही शहा यांनी यावेळी दिली.
राज्यसभेत आज अमित शहा यांनी नागरिकत्व दुरुस्ती विधेयक सादर केलं. हे विधेयक मुस्लिमांच्या विरोधात आहे अशी चुकीची माहिती पसरवली जात आहे. पण आपल्या देशातील मुस्लिमांना त्याची चिंता करण्याची गरज नाही. ते आपल्या देशाचे नागरिक आहेत, नागरिक होते आणि राहणार आहेत, असं शहा यांनी सांगितलं. ‘नरकयातना भोगणाऱ्या लाखो, कोट्यवधी नागरिकांसाठी हे विधेयक अपेक्षा पूर्ण करणारे आहे. आपल्या देशातील अल्पसंख्याक, तसेच शेजारी देशातील अल्पसंख्याक आहेत, ते सन्मानानं राहू शकतील, अशी फाळणीनंतरची आपली संकल्पना होती. सन्मानाबरोबरच आपल्या धर्माचे पालन करू शकतील, आपल्या कुटुंबाचं रक्षण करतील अशीही अपेक्षा होती. पण काही दशकांनंतर त्याकडे पाहिलं तर एक कटू सत्य समोर येतं. बांगलादेश, पाकिस्तान किंवा अफगाणिस्तानमधील अल्पसंख्याकांना सन्मानाचं जीवन अद्याप मिळू शकलं नाही, हे वास्तव आहे. तिथे अल्पसंख्याकांवर खूपच अन्याय झाला आहे,’ याकडे त्यांनी लक्ष वेधलं.
