गौरवकुमार पाटील / अमळनेर – अमळनेर तालुक्यातील मुडी येथील रहिवासी व गिरणी कामानिमित्ताने हल्ली शिरपूर येथे वास्तव्यास असलेल्या ५१ वर्षीय इसमाने दोन्ही किडनी निकामी झाल्याने डायलिसिस साठी पैसे नसल्याच्या आर्थिक विवंचनेतुन काल दिनांक ११ रोजी दुपारी २ ते ३ चे दरम्यान सुरत भुसावळ रेल्वे लाईनवर अमळनेर ते बेटावद मधील पाडसे स्टेशन जवळ ताप्ती गंगा एक्स्प्रेस खाली धावत्या गाडीत झोकून देत आत्महत्या केल्याची घटना घडली .
याबाबत पोलीस सूत्रांनी सांगितले की मुडी प्रगणे येथील रहिवासी प्रकाश दंगल पाटील वय ५१ हे गेल्या अनेक वर्षे झाली शिरपूर येथे कामानिमित्त वास्तव्यास क्रांतीनगर मध्ये होते त्यात त्यांना किडनी विकार जळला व दोन्ही किडन्या निकामी झाल्याने आठवड्यातून दोनवेळा डायलिसिस करावी लागत होती मात्र यामुळे आर्थिक परिस्थिती बिकट होऊन काम ही सुटले व डायलिसिस साठी पैसे राहत नसल्याने ते आर्थिक विवंचनेत ग्रासले होते यातून त्यांनी काल दिनांक ११ रोजी दुसऱ्याची मोटारसायकल मागून पाडसे ते बेटावद दरम्यान दुपारी दोन वाजता सुरतकडे जाणारी ताप्ती गंगा एक्स्प्रेस या धावत्या गाडी खाली झोकून देत आत्महत्या केल्याची घटना घडली , रेल्वे चालक व गार्डने स्टेशन मास्तर मधुसूदन प्रसाद यांना अनोळखी इसमाने २३४/४ व ५ चे मध्ये रेल्वेखाली आत्महत्या केल्याचे कळविल्याने पोलिसांना माहिती दिल्याने हवालदार भास्कर चव्हाण व सचिन निकम यांनी घटनास्थळी जाऊन मृतदेह अमळनेर ग्रामीण रुग्णालयात हलविण्यात आल्यावर नातेवाईक आले व मयत व्यक्तीची ओळख पटली त्यात वरील बाब उघड झाली , रात्रीच वैद्यकीय अधिकारी डॉ प्रकाश ताडे यांनी शवविच्छेदन करून मृतदेह नातेवाईकांना सोपविला , त्याचेवर शिरपूर येथे रात्री उशिरा अंत्यसंस्कार करण्यात आले याबाबत मारवड पोलीस ठाण्यात पाडसे रेल्वे स्टेशनचे अधीक्षक मधुसूदन प्रसाद यांनी खबरदिल्याने अकस्मात मृत्यूची नोंद करण्यात आली ,पुढील तपास हवालदार भास्कर चव्हाण व पोलीस नाईक सचिन निकम हे करीत आहेत , मयत प्रकाशचे पश्यात पत्नी ,एक मुलगा व मुलगी असा परिवार आहे.
