जळगाव : जळगाव येथे आयोजित शासन आपल्या दारी कार्यक्रमात राज्याचे मुख्यमंत्री एकनाथ शिंदे यांनी केळी विकास महामंडळासाठी 100 कोटीची घोषणा केली.
तसेच विभागीय पोलीस आयुक्त कार्यालय हे जळगाव येथे होण्याचा निर्णय शासन लवकरच घेणार असल्याचे एकनाथ शिंदे यांनी जाहीर केले. जळगाव शहर संपूर्ण काँक्रीटीकरण करून खड्डेमुक्त करण्याची ग्वाही घोषणा मुख्यमंत्री एकनाथ शिंदे यांनी आज जळगावात आयोजित ‘शासन आपल्या दारी या कार्यक्रमा प्रसंगी केली
मुख्यमंत्री एकनाथ शिंदे म्हणाले कि, शासन आपल्या दारी उपक्रमांमधून हजारो लोक एकाच छताखाली येत आहे. शासन आपल्या दारी येत असून सरपंचांना उद्देशून मुख्यमंत्री एकनाथ शिंदे यांनी गाव आपल्याला समृद्ध करायचे आहे. आपल्याला अनेक योजना सुरु करायचे आहे.
पहिल्यांदाच लेक लाडकी योजना कार्यान्वित झाली असल्याचे एकनाथ शिंदे यांनी सांगितले. महिला सक्षमीकरणासाठी आपले सरकार मोठे पाऊल उचलले जात आहे . सरकार हे सर्वसामान्य लोकांचे आहे. शासन आपल्या दारी यावर काही जणांनी टीका केली . मात्र जिल्हाधिकारी, तहसीलदार आणि कर्मचारी गावागावात पोहचले. त्यामुळे शासन आपल्यादारी हि दुर्गम भागात उत्तमपणे पोहचत आहे. लोकाभिमुख कार्यक्रम यासारखा दुसरा होऊ शकत नाही २ लाख ५३ हजार लाभार्थ्याना याचा लाभ मिळत आहे. शासन आपल्या दारी उपक्रमामुळे अनेकांची धास्ती वाटून त्यांची पायाखालची वाळू सरकली आहे अशी टीका त्यांनी यावेळी केली आहे. केंद्र सरकारचा राज्य सरकारला पूर्ण अपाठिंबा आहे. एकही निधी परत जात नाही.
आज आपण मोठे निर्णय घेऊ शकतो याचे श्रेय हे मोदी सरकारचे आहे. हि बाब अभिमानास्पद असल्याचे गौरवोद्गार त्यांनी काढले. दीड लाख रुपयांची योजना ५ लाखांपर्यंत केली आहे. असे हे सरकार आहे. केंद्र आणि राज्य सरकारच्या योजना या नागरिकांच्या आरोग्यासाठी आहे. केळी विकास महामंडळसाठी १०० कोटींच्या निधीची घोषणा यावेळी मुख्यमंत्री एकनाथ शिंदे यांनी केली . ३२ सिंचन योजनांना मंजुरी दिली आहे. विभागीय पोलीस आयुक्त कार्यालय हे जळगाव येथे होण्याचा निर्णय शासन लवकरच घेणार असल्याचे एकनाथ शिंदे यांनी जाहीर केले. जळगावचे रस्ते काँक्रीटचे करून खड्डे मुक्त जळगाव करणार असल्याची गवाही त्यांनी यावेळी दिली .
या राज्यात जेवढ्या पायाभूत सुविधा देशात फक्त आपल्या राज्यात होत आहे. वेगवान निर्णय घेणारे गतिमान सरकार असल्याचे एकनाथ शिंदे यांनी सांगितले. महाविकास आघाडीच्या सरकामध्ये परदेशी गुंतवणुकीत मागे गेले होते. ते आज ११ महिन्याच्या कार्यकाळात पुन्हा क्रमांक एकवर आल्याचे त्यांनी सांगितले.
