भुसावळ : शहरातील एमआयडीसी परीसरात असलेल्या केमिकल फॅक्टरीला मंगळवार, 11 रोजी सकाळी नऊ वाजेच्या सुमारास भीषण आग लागल्याने आगीत संपूर्ण फॅक्टरी जळून खाक झाली. या घटनेने परिसरात खळबळ उडाली आहे. दरम्यान, आगीचे स्पष्ट कारण अद्याप कळू शकलेले नाही.
केमिकल कंपनीतून मंगळवारी सकाळी आगीच्या ज्वाला बाहेर पडू लागलाच सुज्ञ नागरीकांनी पालिकेच्या अग्निशमन दलाला माहिती कळवल्यानंतर दीपनगर व भुसावळ पालिकेच्या बंबाने घटनास्थळी धाव घेतली. समजलेल्या माहितीनुसार, रेल नीर प्रकल्पाजवळील एफ- 21 येथे केमिकल बनवणारी फॅक्टरी असून ती जळगावातील व्यापारी मयूर भोळे यांची असल्याचे समजते. आगीत लाखो रुपयांचे नुकसान झाल्याची माहिती आहे.
