मुंबई- पंकजा मुंडेच नव्हे तर राज्यातील अनेक बडे नेते शिवसेनेच्या वाटेवर आहेत,’ असा गौप्यस्फोट शिवसेना नेते, खासदार संजय राऊत यांनी आज केला आहे. ‘येत्या १२ डिसेंबरला त्यांची भूमिका स्पष्ट होईल तेव्हा सर्वांना काय ते कळेलच,’ असं सूचक वक्तव्यही त्यांनी केलं आहे.
निवडणुकीच्या आधी सत्तेच्या बळावर विरोधी पक्षांचे आमदार, खासदार फोडणाऱ्या भाजपचे दिवस फिरले आहेत. सत्ता गेल्यामुळं भाजपमध्ये असंतोष वाढत असून अनेक नेते सत्ताधारी महाविकास आघाडीच्या संपर्कात असल्याची चर्चा आहे. भाजपच्या नेत्या पंकजा मुंडे यांचंही नाव यात आहे. ट्विटरवरून भाजपचा उल्लेख काढून त्यांनी तसे संकेत दिले आहेत. त्या शिवसेनेच्या वाटेवर असल्याचं बोललं जातं. नाशिक येथे पत्रकारांशी बोलताना खासदार संजय राऊत यांनी त्यास अप्रत्यक्षपणे दुजोरा दिला. ‘पंकजाच काय, अनेक नेते शिवसेनेत प्रवेश करण्यास इच्छुक आहेत,’ असं ते म्हणाले.
लेट ट्रेन’ प्रकल्पाला स्थगिती देण्याचा राज्य सरकारचा विचार असल्याचं बोललं जातं. त्याबाबत विचारलं असता राऊत म्हणाले, ‘बुलेट ट्रेन’च्या उपयुक्ततेबाबत राष्ट्रवादी काँग्रेसचे अध्यक्ष शरद पवार यांनीही शंका उपस्थित केली होती. राज्य सरकारचा पैसे जाणार असेल तर त्यावर लवकरच योग्य तो निर्णय घेतला जाईल,’ असा विश्वास त्यांनी व्यक्त केला. ‘आरे’ प्रमाणेच नाणार प्रकल्पाविरुद्ध आंदोलन करणाऱ्यांवरील गुन्हे मागे घेण्यासंदर्भात मुख्यमंत्री निर्णय घेतील,’ असंही ते म्हणाले.
