नवी दिल्ली । पोस्ट ऑफिसमध्ये FD करणे खूपच फायदेशीर आहेत. कारण पोस्ट ऑफिसमध्ये FD करून तुम्हांला अनेक विशेष सुविधा देखील मिळतात. याशिवाय, तुम्हाला सरकारी गॅरेंटी देखील मिळते. तुमचे पैसे पोस्ट ऑफिसमध्ये पूर्णपणे सुरक्षित आहेत. याशिवाय व्याजाचा लाभही उपलब्ध आहे. तुम्हाला तिमाही आधारावर व्याजाची सुविधा मिळते.
पोस्ट ऑफिसमध्ये FD मिळवणे खूप सोपे आहे. इंडिया पोस्टच्या वेबसाईटनुसार, तुम्हाला पोस्ट ऑफिसमध्ये 1,2, 3, 5 वर्षे FD मिळू शकते. यामध्ये तुम्हांला कोण कोणते फायदे मिळतात ते जाणून घ्या –
1. पोस्ट ऑफिसमध्ये FD केल्यावर भारत सरकारची गॅरेंटी दिली जाते.
2. ही एक सरकारी योजना आहे आणि यामध्ये गुंतवणूकदारांचे पैसे पूर्णपणे सुरक्षित आहेत.
3. आपण पोस्ट ऑफिसमध्ये FD ऑफलाइन (कॅश, चेक) किंवा ऑनलाइन (नेट बँकिंग/ मोबाईल बँकिंग) करू शकता.
4. तुम्ही पोस्ट ऑफिसमध्ये 1 पेक्षा जास्त FD करू शकता. याशिवाय FD अकाउंटला जॉइंटही करू शकते.
5. जर तुम्ही पोस्ट ऑफिसमध्ये 5 वर्षांसाठी FD केली, तर तुम्हांला ITR भरताना टॅक्स सूट मिळेल.
6. तुमची FD एका पोस्ट ऑफिसमधून दुसऱ्या पोस्ट ऑफिसमध्ये सहजपणे ट्रान्सफर करता येते.
कशी उघडावी FD ?
पोस्ट ऑफिसमध्ये FD साठी तुम्ही चेक किंवा कॅश भरून खाते उघडू शकता. खाते उघडण्यासाठी किमान आवश्यकता 1000 रुपये आहे. या खात्यात जमा केलेल्या कमाल रकमेवर कोणतीही मर्यादा नाही.
तुम्हाला FD वर किती व्याज मिळते ?
FD वर मिळणाऱ्या व्याजाबद्दल बोलायचे झाल्यास 7 दिवस ते एक वर्षाच्या FD वर 5.50 टक्के व्याज मिळते. 1 वर्ष 1 दिवस ते 2 वर्षांच्या FD वर देखील समान व्याज दर आहे. 5.50 टक्के दराने 3 वर्षांपर्यंतच्या FD वर व्याज देखील उपलब्ध आहे. 6.70 टक्के व्याज FD वर 3 वर्ष एक दिवसापासून ते 5 वर्षांसाठी उपलब्ध आहे.
‘या’ सुविधा उपलब्ध आहेत
याशिवाय ग्राहकांना खाती ट्रांसफर करण्याची सुविधाही मिळते. तुम्ही तुमच्या जवळच्या कार्यालयात FD ट्रान्सफर करू शकता. याशिवाय, नॉमिनी व्यक्तीला जोडण्याची किंवा बदलण्याची सुविधा देखील देण्यात आली आहे. खाते उघडल्यानंतरही तुम्ही नामांकित जोडू किंवा बदलू शकता.
