Spread the love

विद्यार्थी आणि पालकांसाठी एक महत्वाची बातमी आहे, पुढील शैक्षणिक वर्षांपासून एका नव्या विषयाचा समावेश करण्यात येत असल्याचे शिक्षणमंत्री दीपक केसरकर यांनी दापोलीमध्ये पत्रकारांशी बोलतांना सांगितले आहे.मंत्री दीपक केसरकर यांनी दापोली कोकण कृषी विद्यापीठाला भेट दिली त्या दरम्यान त्यांनी ही घोषणा केली आहे.

‘या’ विषयाचा होणार समावेश

भविषष्यातील कृषी शिक्षणाची गरज ओळखून पहिलीपासूनच आता विद्यार्थ्यांना कृषीचे धडे मिळणार आहेत.पहिलीपासूनच आता विद्यार्थ्यांना ‘कृषी’ हा विषय शिकवला जाणार आहे. मुलांमध्ये जर निसर्गाची, कृषिची आवड निर्माण करायची असेल तर कृषीला पर्याय नाही म्हणून आता पहिलीपासून कृषी हा विषयाची सक्ती करण्यात येणार असल्याचं केसरकर यांनी म्हटलं आहे.

शिक्षकांनाही प्रशिक्षण…

पुढील वर्षात कृषी या विषयाचा समावेश करायचा झाल्यास शिक्षकांना सुद्धा प्रशिक्षण द्यावे लागणार आहे. शिक्षकांनी कृषी शिक्षण घेतलेलं नसतं, कोणी बीएस्सी बीएड केलं आहे, कोणी बीए बीएड केलं आहे, तर कोणी एचएससी डीएड केलं आहे. त्यामुळे अशा शिक्षकांना देखील कृषीचं प्रशिक्षण देण्यात येणार आहे.शिक्षणासाठी नवा मसुदा तयार झाला आहे. यंदाच्या चालू वर्षापासून पहिलीपासून कृषी शिक्षण सुरू करण्याचा मानस असल्याचे शिक्षणमंत्री दीपक केसरकर यांनी सांगितले.