पाचोरा(प्रतिनीधी)— येथिल पाचोरा—भडगाव कृषी उत्पन्न बाजार समीतीच्या पंचवार्षिक निवडणुकीत आज तिरंगी लढतिच चुरशीचे व विक्रमी मतदान झाले.बाजार समीतीच्या १८ जागांसाठी ६२ उमेदवार रिंगणात होते.या निवडणुकीत ३३४३ मतदारांपैकी ३२७८ मतदारांनी आपल्या मतदानाचा हक्क बजावला.एकुण ९८.२२% मतदान झाले असुन भरघोस मतदान झाल्यामुळे तिनही पॅनलमध्ये चुरशीची लढत झाल्याचे दिसुन येते.
पाचोरा व भडगाव या दोन्ही तालुक्यांची मतदान प्रक्रिया ही शहरातिल गो.से.हायस्कुल येथे एकाच ठिकाणी करण्यात आली होती.निवडणुक निर्णय अधिकारी म्हणुन नामदेव सुर्यवंनी तर सहाय्यक निवडणुक निर्णय अधिकारी म्हणुन सचिव बी.बी.बोरूडे यांनी कामकाज पाहीले.
सोसायटी मतदार संघ ११ जागांसाठी ३६ उमेदवार होते.त्यात दोन्ही तालूके मिळुन १५३४ मतदान पैकी १५०५ मतदान झाले.ग्रामपंचायत मतदार संघांच्या ४ जागांसाठी १२ उमेदवार होते.त्यात १२६८ मतदानापैकी १२४४ मतदान झाले.व्यापारी मतदार संघाच्या २ जागांसाठी ०८ उमेदवार रिंगणात होते.यात २७३ मतदारांपैकी २६४ यांनी मतदान केले.तर हमाल मापाडी मतदार संघाच्या १ जागेसाठी ०३ उमेदवार होते.यात २७२ मतदानापैकी २६५ मतदान झाले.
