जळगाव,(प्रतिनिधी)- जामनेर तालुक्यातील पहूर जामनेर रोड जवळ पहूर शिवरातील ज्वारीच्या शेतात दिनांक २१ मार्च रोजी सायंकाळी ५ वाजेच्या पूर्वी प्रमोद उर्फ बाळू भगवान वाघ वय,४० रा.शिंगाईत ता. जामनेर या तरुणाचा खून झाल्याची धक्कादायक घटना घडली असून खुनाचे कारण समजू शकले नाही.
या प्रकरणी सुभाष सुकदेव वाघ (वय -५८) यांनी दिलेल्या फिर्यादी नुसार माहिती अशी की, दि. २१/०३/२०२३ रोजी सायंकाळी ०५.०० वा. च्या पुर्वी, पहुर ते जामनेर रोड जवळ पहूर शिवारात प्रफुल्ल भरत पाटील यांचे ज्वारीच्या शेतामध्ये कोणीतरी अज्ञात इसमाने अज्ञात कारणावरुन फिर्यादीचा पुतण्या प्रमोद उर्फ बाळु भगवान वाघ वय ४० वर्ष रा. शिंगाईत ता. जामनेर याचे कपाळावर तसेच डोक्याचे मागील बाजूस धारदार शस्त्राने व दगडाने मारुन खुन केला आहे.याप्रकरणी पहूर पोलिसात ८१/२०२३ भादवि. क.३०२ प्रमाणे गुन्हा दाखल करण्यात आला असून
पुढील तपास पो.नि.प्रताप इंगळे प्रभारी अधिकारी पहुर पो.स्टे करीत आहे.
