मुंबई,(प्रतिनिधी) – पवार साहेबचं दाऊदचा माणूस असू शकतात असं खळबळ जनक ट्विट खासदार निलेश राने यांनी केलं असून यामुळे राज्यातलं राजकारण चांगलंच तापलं असल्याचं पाहायला मिळत आहे.केंद्रीयमंत्री नारायण राणे यांचे पुत्र खासदार निलेश राणे यांनी त्यांच्या ट्विटर हॅण्डलवरून ‘ट्विट मालिकेद्वारे’ ट्विट करून पवारांवर गंभीर आरोप केले आहे.
एका ट्विट मध्ये निलेश राणे म्हणतात की,खोट्या केसेस बनवणारा साहेबांचा माणूस सरकारी वकील प्रवीण चव्हाण गायब झाला आहे.पवार साहेबांना राजकारणी लोकांनी ‘जाणता’ म्हणणं कायमचं थांबवलं पाहिजे कारण पवारांनी जेव्हा संधी मिळाली तेव्हा त्यांनी महाराष्ट्राला अस्थिरचं केलं आहे.
पवार साहेब नावाने मोठे झाले असले तरी मनानी मोठे नाही. त्यांनी वर्शोंवर्ष केलेल्या कारस्थानामुळे आज महाराष्ट्र भोगतोय, त्यांनी पोसलेले कीडे आज महाराष्ट्राच्या वेगवेगळ्या ठिकाणी धुडगूस घालत आहेत. पवार साहेबचं पाकिस्तानचे एजंट तर नाही ना असा संशय यायला लागला असल्याचा खळबळजनक आरोप निलेश राणे यांनी केला आहे.
तर दुसऱ्या एका ट्विट मध्ये निलेश राणे म्हणतात लवासा प्रकरणामध्ये पवार कुटुंब fraud आहे इतकंच सांगणं हायकोर्टाने शिल्लक ठेवलं तरीही प्रशासन ॲक्शन घेत नाही. पवार कुटुंबाने fraud केला आहे हे हायकोर्टाच्या ऑर्डरमध्ये स्पष्ट आहे. येणाऱ्या आठवड्यात लवासा प्रकरण आम्ही सुप्रीम कोर्टात अपील करणार आहोत.
काय आहे नेमकं प्रकरण…
जळगाव जिल्हा मराठा विद्याप्रसारक संस्थेच्या वादात आमदार गिरीश महाजन यांना अडकवून खोटा गुन्हा दाखल करून मोक्का लावण्याचं षडयंत्र राज्य सरकार आणि विशेष सरकारी वकिल प्रविण चव्हाण यांनी रचलं असल्याचा गंभीर आरोप विरोधी पक्षनेते देवेंद्र फडणवीस यांनी काल विधानभवनात केला आहे आणि त्याला आमच्या पक्षातून सत्ताधारी पक्षात आलेल्या एका नेत्यानेही मदत केल्याचा धक्कादायक आणि खळबळजनक आरोप देवेंद्र फडणवीस यांनी केला आहे या षडयंत्रच्या प्लॅनिंगचा व्हिडीओ असलेला एक पेनड्राईव्हच फडणवीस यांनी विधानसभा अध्यक्षांकडे यावेळी सोपाविल्याने राज्याच्या राजकारणात चांगलीच खळबळ उडाली आहे.भाजपाच्या सहा ते सात नेत्यांना टार्गेट करण्यासाठी षडयंत्र रचल्या प्रकरणी राजीकीय वातावरण चांगलेच तापले आहे. यात पवार साहेब यांचं नाव समोर येतं असल्या कारणाने भाजपच्या नेत्यांनी पवारांवर जोरदार टीका केली आहे.
पवार साहेबचं दाऊदचा माणूस असू शकतात.
— Nilesh N Rane (Modi ka Parivaar) (@meNeeleshNRane) March 9, 2022
खोट्या केसेस बनवणारा साहेबांचा माणूस सरकारी वकील प्रवीण चव्हाण गायब झाला आहे.
पवार साहेबांना राजकारणी लोकांनी 'जाणता' म्हणणं कायमचं थांबवलं पाहिजे कारण पवारांनी जेव्हा संधी मिळाली तेव्हा त्यांनी महाराष्ट्राला अस्थिरचं केलं आहे.
— Nilesh N Rane (Modi ka Parivaar) (@meNeeleshNRane) March 9, 2022
लवासा प्रकरणामध्ये पवार कुटुंब fraud आहे इतकंच सांगणं हायकोर्टाने शिल्लक ठेवलं तरीही प्रशासन ॲक्शन घेत नाही. पवार कुटुंबाने fraud केला आहे हे हायकोर्टाच्या ऑर्डरमध्ये स्पष्ट आहे. येणाऱ्या आठवड्यात लवासा प्रकरण आम्ही सुप्रीम कोर्टात अपील करणार आहोत.
Pawar Family = Fraud
— Nilesh N Rane (Modi ka Parivaar) (@meNeeleshNRane) March 9, 2022
