नाशिकजवळ पवन एक्स्प्रेसचे डबे रूळावरून घसरले, एक प्रवाशी ठार

नाशिक : डाऊन 11061 डाऊन एलटीटी-जयनगर एक्स्प्रेसचे चार डबे रेल्वे रूळावरून घसरल्याची दुर्घटना आज रविवार, 3 एप्रिल रोजी दुपारी तीन वाजेच्या सुमारास घडली आहे. ही घटना नाशिकमधील देवळाली- लहवीत दरम्यान घडली असून यात एका प्रवासाचा मृत्यू झाल्याची माहिती समोर आलीय. तर काही प्रवाशी जखमी झाले आहे.

रेल्वे क्रमांक ११०६१ पवन एक्स्प्रेस ही मुंबईतील लोकमान्य टिळक टर्मिनसहून (LTT) जयनगर (बिहार) येथे जात होती. दरम्यान नाशिक जवळील देवळाली येथे दुपारी तीन वाजून १० मिनिटांच्या सुमारास रेल्वेचे काही डबे घसरल्याची माहिती समोर आली आहे.

Few coaches of 11061 LTT-Jaynagar Express have been derailed between Lahavit and Devlali (near Nashik) on Dn line at around 15.10 hrs today, April 3. Accident relief train and medical van rushed to the spot. Details awaited: Central railway CPRO

— ANI (@ANI) April 3, 2022

रेल्वेकडून प्रवाशांच्या मदतीसाठी हेल्पलाइन क्रमांक देखील जारी करण्यात आले आहेत. प्रवाशांच्या सुरक्षिततेची माहिती कुटुंबीयांपर्यंत पोहोचावी यासाठी 0253-2465816 (नाशिक) हा हेल्पलाइन क्रमांक जारी करण्यात आला आहे. तर मुंबईतील सीएसएमटीच्या टीसी ऑफीसकडूनही MTNL: 02222694040 हा क्रमांक जारी करण्यात आला आहे.