नाशिक, (प्रतिनिधी)- येथील दिंडोरी परिसरातील गावांमध्ये भूकंपाचे सौम्य धक्के बसल्याने नागरिकांमध्ये प्रचंड खळबळ उडून भीतीचे वातावरण निर्माण झाले असून प्रशासनाने मात्र घाबरून न जाण्याचे आवाहन केले आहे. हे धक्के नेमकं कोणत्या कारणाने झाले याची अजून खात्रीशीर माहिती नसली तरी नागरिकांनी घाबरून न जाता सावधानता बाळगण्याचे आवाहन करण्यात आले आहे.
या गावात बसले भूकंपाचे धक्के….
नाशिक जिल्ह्यातील दिंडोरी तालुक्यातील , दिंडोरी शहर, मडकीजांब , हातनोरे, निळवंडी , जांबुटके, उमराळे (बु), तळेगाव येथे भूकंपाचे धक्के बसल्याची प्राथमिक माहिती आहे.
