पाचोरा -पाचोरा – भडगाव विधानसभेचे आमदार किशोर पाटील यांचे विकासाभुमुख नेतृत्व मान्य करीत नगरदेवळा गावांतील शेकडो कार्यकर्त्यांनी राष्ट्रवादीला रामराम ठोकून शिवसेनेत जाहीर प्रवेश केला.
आमदार किशोर पाटील यांच्या सह संपर्क प्रमुख सुनिल पाटील, जिल्हा परिषद गटनेते रावसाहेब पाटील यांच्या प्रमुख उपस्थितीत हा प्रवेश सोहळा निर्मल सिड्स येथे पार पडला. यावेळी भगवा रुमाल व शिवबंधन बांधून सर्वांचे पक्षात स्वागत करण्यात आले.
शिवनारायन महाजन हे सामाजिक, शैक्षणिक, राजकीय क्षेत्रातील पितामह असून गावातील सरदार एस. के. पवार विद्यालय, विविध कार्यकारी सोसायटी, पिक संरक्षण संस्था, दूध सोसायटी, सार्वजनिक वाचनालय अशा अनेक महत्त्वाच्या संस्था त्यांच्या ताब्यात आहेत. यामुळे तालुक्यातील राजकारणात मोठी खळबळ उडाली असून एक मोठा विरोधी गट शिवसेनेत सामील झाला आहे. यावेळी राजेश शिवनारायण महाजन (नगरदेवळा वि.का.सो. सोसायटी माजी चेअरमन), संजय महाजन, भुषण जाधव, योगेश जाधव, अभिमन्यू महाजन, रोशन जाधव, रवींद्र सखाराम पाटील, राजेंद्र महाजन, संजय सोनार, भिला रोकडे, अशोक महाजन, रतन जाधव, शंकर महाजन, सुनिल जाधव, शालिग्राम गोसावी, सुनिल पाटील, किशोर महाजन, प्रल्हाद सावळे, लोटन महाजन, कैलास महाजन, समाधान महाजन, गोकुळ महाजन सागर महाजन, विक्की जाधव, सुरेश मिस्तरी, रामा महाजन यांच्यासह अनेकांनी प्रवेश घेतला. या प्रवेश सोहळ्या प्रसंगी जिल्हा परिषद सदस्य पदमसिंग पाटील दिपक राजपूत, प्रकाश सोमवंशी, उद्धव मराठे, लोकनियुक्त नगराध्यक्ष संजय गोहील, दिनकर देवरे, प्रा. गणेश पाटील, शरद पाटील, अविनाश कुडे, प्रदीप परदेशी, सागर पाटील, विनोद राऊळ, भैया महाजन, गणेश देशमुख, सोनू परदेशी, दिपक पवार, किरण पाटील, धर्मेंद्र राजपूत, स्वरूप राजपूत, गणेश महाले आदी पदाधिकारी कार्यकर्ते मोठ्या संख्येने उपस्थित होते.
