धरणगाव – येथे आज चोरट्यांनी सोनवद रस्त्यावर असलेल्या नवीन शॉपिंग कॉम्प्लेक्स मधील 8 दुकाने फोडल्याची घटना उघडकीस आली. एकाचवेळी अनेक दुकानं फोडल्याने व्यावसाईकांमध्ये भितिचे वातावरण निर्माण झाले आहे. चोरांनी जणू अमावसेची पर्वणीच साधली आहे.
शॉपिंग कॉम्प्लेक्स मधील जयेश किचन वेअर, साई प्लंबिंग, श्रीनाथ फर्निचर, श्रीकृष्ण डेअरी,प्रीती झेरॉक्स,देऊ कलेक्शन, ही 8 दुकाने फोडण्यात आली आहेत. शुक्रवारी पोळ्याचा सण असल्याकारणाने बहुतेक दुकानदार घरीच होते. यामुळे त्यांच्या दुकानांमधून काय चोरी झालेली आहे हे समजले नव्हते. परंतु, पोलीस स्टेशनला गुन्हा दाखल झाल्यानंतर कापड दुकानात 38000रुची चोरी झाल्याचे दिसून आले. बाकी दुकानं फोडण्याचा प्रयत्न झाला.
अमावस्या ही चोरी करणार्यांची पर्वणी असते. या रात्री लहान, मोठी चोरी व्हायलाच हवी अशी त्यांची संकल्पना असते अशी चर्चा उपस्थितात रंगली होती. आता ते महिनाभर धुमाकूळ घालतील असा होरा जूने जाणते व्यक्त करत होते. या दृष्टीने पुढील काळात पोलिसांना सतर्क राहून गस्त वाढवावी लागेल.
