रामलल्लाच्या प्राणप्रतिष्ठा सोहळ्याआधी आपल्या घरात पूजा आयोजित करणाऱ्या रुबी आसिफ खान यांना कट्टरपंथीयांकडून जीवे मारण्याची धमकी मिळाली आहे. दि. ४ जानेवारी २०२४ गुरुवारी रुबी आसिफ खान यांनी उत्तर प्रदेशमधील अलीगढ येथील आपल्या घरात पूजेचे अयोजन केले होते.
घरात पूजा केल्यानंतर अज्ञात कट्टरपंथीयांनी त्यांच्या घरात रात्री धमकीचे पत्र फेकले. या पत्रात रुबी आणि त्यांच्या कुटुंबीयांना घरी रामपूजेचे आयोजन केल्यामुळे जीवे मारण्याची धमकी देण्यात आली आहे. या पत्रामध्ये लिहिण्यात आले होते की, “तुम्ही रामाचे भक्त झाला आहात. पुढील ७२ तासांत तुम्हाला आणि तुमच्या कुटुंबियांना ठार मारले जाईल.”
रोरवार पोलीस ठाण्यांतर्गत येणाऱ्या ममुदनगर शाहजमाल परिसरात ही घटना घडली. भाजपच्या जयगंज युनिटच्या उपाध्यक्षा रुबी आसिफ खान यांनी पोलिसांकडे जाऊन या प्रकरणाची चौकशी करण्याची मागणी केली आहे. पोलिसांना मिळालेल्या सीसीटीव्ही फुटेजमध्ये गुरुवारी रात्री अज्ञात चोरटे त्यांच्या घरात धमकीचे पत्र फेकताना दिसत आहेत. पोलिसांनी तक्रारीच्या आधारे गुन्हा दाखल केला आहे.
