मुंबई : छोट्या पडद्यावरील तारक मेहता का उल्टा चश्मा ही मालिका तुफान लोकप्रिय झाली. या मालिकेतील प्रत्येक पात्र ही तितकेच लोकप्रिय झाले. या मालिकेतील दयाभाभी ही भूमिका साकारणाऱ्या दिशा वकानीचा एक बोल्ड डान्स व्हिडिओ सोशल मीडियात व्हायरल झाला आहे.
या डान्स व्हिडिओमध्ये आतापर्यंत मालिकेत गरबा डान्स करणारी दया भाभी म्हणजे दिशा वकानी चक्क स्कर्ट आणि बिकीनीमध्ये ‘भिगरी गा भिगरी’ या गाण्यावर डान्स करताना दिसत आहे. दिशाचा हा अंदाज पाहून चाहत्यांना आश्चर्याचा धक्का बसला आहे. या व्हिडिओमध्ये दिशा वकानीने डार्क ब्लू रंगाचा स्कर्ट आणि बॅकलेस चोली स्टाइलचा टॉप घातला आहे.
या व्हिडिओमध्ये दिशा खूपच बोल्ड अंदाजात दिसत असून हा डान्स व्हिडिओ बराच जुना आहे. यामध्ये दिशा ग्रुप डान्स करताना दिसत आहे. दिशा तिच्या को- स्टारला डान्समध्ये चांगलीच टक्कर देताना दिसत आहे. हा व्हिडिओ पाहताना ही दया भाभी आहे, यावर कुणाचाही विश्वासच बसणार नाही इतकी ती वेगळी दिसत आहे.
दिशाचा हा डान्स व्हिडिओवर युझर्स कमेन्ट करत आहेत. हा व्हिडिओ पाहून एका युझर्सने तर लिहिले ‘हे माँ माताजी!’ तर अन्य एका युझर्सने लिहिले की, ‘टप्पूची आई बिघडली..’ तर दुसऱ्या युझरने लिहिले ‘जेठालालला सांगू का?’ तर काही युझर्सना दिशाचा डान्स आवडला आहे. दरम्यान, याआधीही दिशा वकानीचा एक डान्स व्हायरल झाला होता. त्यात तिने कोळी डान्स केला होता. बाळंतपणानंतर तारक मेहता का उल्टा चश्मा या मालिकेत दयाबेन म्हणजे दिशा वकानी दिसलेली नाही.
