पाचोरा ता.६ – येथील रोटरी क्लब ऑफ पाचोरा भडगाव चे अध्यक्ष डॉ भूषण मगर यांनी आज तारीख ६ रोजी शहरातील कोंडवाडा गल्ली भागातील प्राथमिक विद्यालयातील विद्यार्थ्यांना गणवेश वाटप केले.यावेळी याच परिसरातील माध्यमिक व उच्च माध्यमिक कन्या विद्यालयाच्या प्रवेशद्वारासमोर स्व.कालिंदी बाई पांडे मतिमंद विद्यालयातर्फे राख्यांचे प्रदर्शन व स्टॉल लावण्यात आले होते. रोटरी क्लबचे अध्यक्ष रो.डॉ. भूषण मगर , क्लबचे सचिव रो.डॉ. बाळकृष्ण पाटील, माजी अध्यक्ष रोहन पाटील,रो शिवाजी शिंदे व पदाधिकाऱ्यांनी या स्टॉलला भेट दिली.स्वर्गीय कालिंदीबाई पांडे मतिमंद विद्यालयातील दिव्यांग विद्यार्थ्यांनी बनवलेल्या राख्यांचे प्रदर्शन व विक्री या ठिकाणी सुरू होती. डॉक्टर भूषण मगर, डॉक्टर बाळकृष्ण पाटील व रोहन पाटील या तीनही रोटेरियन बांधवांनी दिव्यांगांना मदत व्हावी, त्यांच्या हस्तकला कौशल्याला प्रेरणा मिळावी या उद्देशाने या प्रदर्शन व विक्री स्टॉलवरील राख्यांची खरेदी केली व विद्यालयातील शिक्षिका भगिनी व विद्यार्थिनींना या राख्या भेट दिल्या. डॉक्टर भूषण मगर व त्यांच्या सहकाऱ्यांनी दिव्यांगांसाठी अप्रत्यक्ष केलेल्या या अनोख्या मदतीची विद्यालयात चर्चा होती.
यावेळी रो. जवाहर संघवी, रो.चंद्रकांत लोढाया, रो. अतुल शिरसमणे,रो.शैलेश खंडेलवाल रो निलेश कोटेचा, रो. वैभव सुर्यवंशी, रो. राजेश मोर,रो. प्रवीण माळी आदि रोटेरियन उपस्थित होते.
