जळगाव – महाराष्ट्र राज्य परीक्षा परिषदेमार्फत डी.एल.एड्. डिसेंबर 2024 परीक्षेचे आयोजन दि. 13 डिसेंबर 2024 ते 21 डिसेंबर 2024 या कालावधीत करण्यात आले होते. या परीक्षेचा निकाल दि.06 फेब्रुवारी 2025 रोजी दुपारी 04.00 वाजता परिषदेच्या संकेतस्थळावर (www.mscepune in) जाहीर करण्यात आलेला आहे.
विद्यार्थ्यांना निकालाचे मूळ गुणपत्रक संबंधित अध्यापक विद्यालयामार्फत यथावकाश हस्तपोच मिळेल व उत्तरपत्रिकेची गुणपडताळणी व उत्तरपत्रिकेची छायाप्रत मागणीसाठी अर्ज करण्याचा अंतिम दि. 20 फेब्रुवारी 2025 राहील, अशी माहिती आयुक्त अनुराधा ओक यांनी प्रसिद्धीपत्रकाद्वारे दिली आहे.
