जळगाव – येथील वैद्यकीय महाविद्यालयाच्या कोविड रुग्णालयात बेपत्ता झालेल्या कोरोना बाधित महिलेचा मृतदेह शौचालयात आढळुन आल्याप्रकरणी जिल्हाधिकारी यांचा अहवाल प्राप्त झाला की कायदेशीर प्रोसेस करून डीन डॉ.भास्कर खैरेंसह इतर दोषींवर निलंबनाची कारवाई उद्या सकाळ पर्यंत हॊईल असे संकेत आरोग्य विभागाचे संचालक डॉ. तात्याराव लहाने यांनी दैनिक नजरकैद शी बोलतांना दिले.
गेल्या पाच सहा दिवसा पासून कोरोना पॉझिटिव्ह असलेली ८२ वर्षीय वृद्ध महिला बेपत्ता झाली होती.त्या महिला रुग्णाचा मृतदेह आज रुग्णालयाच्या शौचालयात आढळून आल्याने खळबळ उडाली असतांना या दुर्दैवी घटने प्रकरणी जबाबदारी निश्चित करून वैद्यकीय महाविद्यालयाचे डीन डॉ. खैरे व इतर दोषींवर उद्या पर्यंत निलंबनाची कारवाई होईल असे संकेत मिळाले आहे. या घटनेमुळे आरोग्य यंत्रणा चांगलीच उघडी पडली आहे.
