नवापूर: दहावीत शिकत असलेल्या विद्यार्थ्याचा सकाळी व्यायाम करत असताना चक्कर येवून पडल्याने मृत्यू झाल्याची घटना आज सकाळी तालुक्यातील धनराट येथे घडली. भाऊ कर्जा गावीत (वय १६ राहणार भवरे, ता नवापूर) असे मृत तरुणाचे नाव आहे.
याबाबत असे की, धनराट येथील शासकीय आश्रम शाळेत दहावीत शिकत असलेला विद्यार्थी भाऊ कर्जा गावीत हा आज सकाळी सहाच्या सुमारास नेहमीप्रमाणे रनिंग करायला गेला, रनिंग करत असतांना चक्कर येऊन पडला. आश्रम शाळेचे कामाठी मगन वसावे यांनी १०८ रुग्णवाहीकेला बोलावून विद्यार्थी भाऊ कर्जा गावीत यास नवापूर उपजिल्हा रुग्णालयात उपचारासाठी दाखल केले. मात्र वैद्यकीय अधिकारी डॉ प्रदिप गावीत यांनी त्याची तपासनी करुन मयत घोषित केले. दरम्यान, या घटनेमूळे भवरे गावात शोककळा पसरली असून नवापूर उपजिल्हा रुग्णालयात नातेवाइकांनी नवापूर उपजिल्हा रुग्णालयात आईवडिलांनी आक्रोश केला होता.
घटनेचा तपास पोलिस निरीक्षक बाळासाहेब भापकर यांच्या मार्गदर्शनाखाली सहायक पोलिस निरीक्षक निलेश वाघ, हवालदार कैलास तावडे, गणेश बच्छे, नरेंद्र नाईक, नितिन नाईक करत आहे.
