जळगाव । शहरातील तुळजाई नगरात राहणाऱ्या वंदना गोरख पाटील वय-४२ या भाजी विक्रेत्या महिलेचा गळा आवळून आणि चेहऱ्यावर घाव करून खून करण्यात आल्याची घटना आज सकाळी उघडकीस आली होती.
दरम्यान, एमआयडीसी पोलिसांनी जलद गतीने तपासचक्रे फिरवीत अवघ्या काही तासात संशयिताला ताब्यात घेतले आहे. सुरेश सुकलाल माळी (महाजन) असे ताब्यात घेतलेल्या संशयित आरोपीचे नाव आहे.
पोलीस निरीक्षक प्रताप शिकारे यांच्या मार्गदर्शनाखाली डीबी पथकाने संशयीत सुरेश माळी (महाजन) याला ताब्यात घेण्यात आले आहे. दरम्यान, संशयितांची कसून चौकशी करण्यात येत असून महिलेचा खून कशासाठी झाला हे अद्याप समजून आलेले नाही.
