जळगाव ;- जळगाव ग्रामीण मतदार संघाचे अपक्ष उमेदवार लकी टेलर यांनी आज विविध गावांमध्ये झंझावाती प्रचार केला. ठिकठिकाणी मतदारांनी त्यांचे उत्स्फूर्तपणे स्वागत केले . यावेळी महिला भगिनी यांनी लकी टेलर यांचे औक्षण केले . मतदारांचा प्रचंड प्रतिसाद मिळाला.
लकी टेलर यांच्या प्रचाराचा नारळ फुटला असून त्यांना मतदारांचा पाठिंबा मिळत आहे. आज रोजी असोदा ,आडगाव, धानवड , चिंचोली,शिरसोली,ममुराबाद ,कुसुंबा आदी गावांमध्ये प्रचार करण्यात आला . यावेळी बोलताना लकी टेलर म्हणाले कि, आज मतदार संघाची रस्त्यांची दुरवस्था झाली असून याला सत्ताधारी कारणीभूत असून मी जर आमदार म्हणून निवडून आलो तर ज्या प्रमाणे बाजार समितीचा सभापती असताना विकास केला त्याच प्रमाणे मतदार संघाचा विकास करेल अशी ग्वाही दिली . यावेळी मतदारांनी लकी टेलर यांचा भावी आमदार म्हणून गौरव तुमच्या पाठीशी असल्याचे आश्वासन दिले.
