जळगाव,(प्रतिनिधी)- शहरातील चौघुले प्लॉट भागात रविवारी रात्री १० वाजेच्या सुमारास एका ३६ वर्षीय सलून दुकानदार तरुणाची चॉपरने सपा सपा वार करून निघृणपणे हत्या करण्यात आल्याची धक्कादायक घटना घडली, दरम्यान तरुणाला गंभीर अवस्थेत जिल्हा रुग्णालयात उपचारासाठी दाखल केले असता त्याची प्राणज्योत मालवली.
ममुराबाद रस्त्यावर असलेल्या प्रजापत नगरात रहिवाशी असलेला सुनील सुरेश टेमकर वय-३६ या तरुणाचे चौघुले प्लॉट परिसरात सलून दुकान आहे. गेल्या ५ दिवसांपासून तो आजारी असल्या कारणाने त्याचे दुकान बंद होते. रविवार दि.२१ रोजी त्याने दुकान उघडले होते,अचानक रात्री १० वाजेच्या सुमारास त्याच्यावर कुणीतरी चॉपरने वार केल्याने त्याला गंभीर दुखापत झाली. जखमी अवस्थेत त्याला जिल्हा सामान्य रुग्णालयात दाखल केले असता त्याची प्राणज्योत मालावली.
सुनील सुरेश टेमकर या मयत तरुणाच्या परिवारात आई, पत्नी योगिता टेमकर, मुलगा रोनक टेमकर, मुलगी दीप्ती, आणि भाऊ असा परिवार आहे. शनी पेठ पोलीस ठाण्याच्या कर्मचारी हल्लेखोराचा शोध व तपास घेत आहे.
