जळगाव | शहरातील आंबेडकरनगरात राहणाऱ्या २९ वर्षीय विवाहितेने गळफास घेऊन आत्महत्या केल्याची घटना मंगळवारी उघडकीस आली. लक्ष्मी सचिन सैंदाणे (वय २९) असे मृत विवाहितेचे नाव आहे. या घटनेमागचे कारण स्पष्ट झालेले नाही.
घटना उघडकीस आल्यानंतर शनिपेठ पोलिसांनी पंचनामा करून मृतदेह शासकीय वैद्यकीय महाविद्यालय व रुग्णालयात नेला. वैद्यकीय अधिकारी डॉ. नम्रता अच्छा यांनी तपासणी करून मृत घोषित केले. याप्रकरणी शनिपेठ पाेलिस ठाण्यात अकस्मात मृत्यूची नोंद करण्यात आली आहे. प्रकाश पाटील तपास करीत आहे.
