जळगाव । जळगाव शहरात घरफोडीचे सत्र अद्यापही सुरूच आहे. शहरातील तांबापुरा परिसरात असलेल्या फुकटपुरा भागात घराचा कडी कोंडा तोडत कपाटातील दीड लाखाचा ऐवज लंपास केल्याची घटना आज मंगळवारी उघडकीस आली आहे. याप्रकरणी एमआयडीसी पोलिसात तक्रार नोंद करण्यात आली
याबाबत असे पंचशील नगरात राहणारे सरफराज खान अयुब खान व त्यांचा मुलगा दोन्ही खाजगी वाहन चालक म्हणून काम करतात. सोमवारी रात्री त्यांचा मुलगा बाहेरगावी गेलेला होता. रात्री १० च्या सुमारास खान कुटुंबीय खालील घराला कुलूप लावून वरील माळ्यावर झोपण्यास गेले.
रात्रीच्या वेळी चोरट्यांनी खान यांच्या घराचा कडी कोंडा तोडत घरात प्रवेश केला. यावेळी चोरट्यांनी कपाट फोडून १५ ग्रॅम सोन्याची पोत, चांदीचे कडे, चांदीची पोत, चांदीची अंगठी, १२ हजार रोख असा दीड ते दोन लाखांचा ऐवज लंपास केला. खान कुटुंबीय खाली आल्यानंतर घडलेला प्रकार त्यांच्या लक्षात आला. याप्रकरणी एमआयडीसी पोलिसात तक्रार नोंद करण्यात आली असून पोलिसांनी घटनास्थळी भेट देऊन पाहणी केली आहे.
