जळगाव | शहरात अपघाताचे प्रमाण वाढतानाचे दिसून येतेय. अशातच आज मंगळवारी शहरातील आकाशवाणी चौकातील सर्कलवर एक वाहन सर्कलच्या कठडे तोडून वर चढले.
शहरातील आकाशवाणी चौकात सर्कल तयार करण्यात आले आहे. मंगळवारी पहाटेच्या सुमारास एक मालवाहू वाहन त्या सर्कलवर चढले. अपघातात सुदैवाने कोणतीही जीवितहानी झाली नसली तरी वाहनाचे नुकसान झाले आहे. सकाळी क्रेनच्या साहाय्याने वाहन रस्त्याच्या बाजूला करण्यात आले.
दरम्यान, शहरातील आकाशवाणी चौक, इच्छादेवी चौक आणि अजिंठा चौक या तिन्ही प्रमुख चौकांमध्ये मोठे सर्कल उभारण्यात आले आहे. या सर्कलमुळे वाहतुकीची कोंडी होत असून यामुळे वाहनांना अपघात होण्याची शक्यतादेखील असल्याने याला प्रखर विरोध करण्यात आला. तथापि, प्रशासनाने याला न जुमानता सर्कल उभारले असून यामुळे अपघातांना निमंत्रण मिळाले आहे.
